Psalm 46:2 - Nan Hapit Apu Dios

² Ot hiya nan adi ta'u tumakut an ta'on on miwagot tun luta ta mun'a'agde nadan billid ta mun'itabbundah nan baybay

Psalm 46:2 Iomraidhean Croise

2 Samuel 22:3

Ya paddungna boy hapiyo onu nahamad an binattun alad an manandi i ha"on. Te ongal di abalinanan mangihwang i ha"on hinadan mun'abubungot an tatagu. Te paddungna nimpey doplah an nahamad hi ihi"ugan.

Psalm 142:6

Ot donglom bahan tun dasal'u ta ihwanga' hinadan binuhul'u te ongal di abalinanda mu ha"on.

Psalm 18:7

Ta gapuh bungot Apu Dios hinadan binuhul'u ya impa'alyogna tun luta ta ta'on on hanan nipabunan nadan billid on na'ihalda.

Psalm 23:4

Ot ta'on on wadaday punligata' ta aya' mate ya adiya' tumakut te innila' an wadawada'an Dios an mumpapto' i ha"on. Ya hanan paddungnay patanongmu di pumbaliwmun ha"on.

Psalm 27:3

Ot ta'on on li''ubona' hi dakkodakkol an binuhul'u ya adiya' tumakut.

Psalm 28:7

Te hiyay nangipabikah i ha"on ya hiyay paddungnay hapiyo'. Ta hiya nan nanongnan hiyay pundinola' te hiyay bumanoddang i ha"on. Ta hiya nan nunhiglay amlong'u ya ikankanta' di punhanaa' i hiya.

Psalm 37:39

Te hi Apu Dios ya ihwangna nadan mangmangngat hinadan pohdona ya ipapto'na dida hi'on waday dumatong hi punligatanda.

Psalm 59:17

Ot ikankanta' di pundayaw'un he''a Apu Dios te he"an ongal di pamhodnan Dios nimpey nahamad hi ihi"uga'.

Psalm 62:8

Ot da'yun i'iba ya maphod on hi Apu Dios di nanongnah pundinolan ta'u. Ta hiyay pangibagan ta'uh nadan inomnoman ta'u te hiyay nahamad hi ihi"ugan ta'u.

Psalm 62:9

An namin ta'un tatagu an nawotwot onu kadangyan ya nada''ul ta'uh panigona. Te onha ikilu dita'u ot ma"id ha damot ta'u an umat ta'uh dibdib.

Psalm 82:5

Mu ningamut an da'yun a'ap'apu ya ma"id ha innilayu te aggeyu innilay nipto' hi unudonyu ta hiya mo nan gapun da'yu ya ma"id ha maphod hi ma'ma'at hi abobbobleh tun luta.

Psalm 91:2

Ya madinol an mangibaga i hiya hi, Apu Dios, he"ay nahamad hi ihi"uga' ot he"ay pangiyukoda' hitun nitaguwa'.

Jeremiah 14:8

Te an namin di napatnaanmi an tinanud Israel ya he"a ya ammunay bimmanoddang i da'mi. Mu tanganu on ad uwani ya ay da'mi agge innila ta nipaddung'a i ha mangili an nun'iyan i ha ohay hilong ya abuh?

Nahum 1:7

Mu nadan mangidinol i hiya ya ipapto'na dida. Ya ma"aphod di atonan dida te hiyay mabalin an ihi"ugan hi'on waday ligat.

Matthew 21:21

Ot alyon Jesus di, Ibaga' i da'yu an ta'on on da'yu ya mabalin bon atonyuy umat hinan inat'u ituwen fig mu gahin di waday pangulugyu an ma''id ha punduwaduwaanyu hi e pangipa'annungan Apu Dios hinan ibagayun hiya. Ya ibagayu'e boh nan billid ta madlig hinan baybay ya madlig.

Luke 21:33

Mabalin an mapogpog hi ad lagud ya tun luta mu hanan hapit'u ya munnananong ta ingganah mipa'annung.

Hebrew 13:6

Ta hiya nan mabalin an mundinol ta'u i Apu Dios. Ot ta'on on nat'onat'on di ma'at i dita'u ya way ohaon alyonay, Hi Apu Dios di bumoddang i ha''on. Ot ta'on on nganney aton di tatagun ha''on ya adiya' tumakut. Te onda tagu ya abuh.