Psalm 45:1 - Nan Hapit Apu Dios

¹ Dakol tayyay mun'a'aphod an mipanomnom i ha''on ta hiya nan iphod'u ha mikantah nan patul. Te ha"on'e ya on'u ikanta nan pinhod'un ibaga an umat hinadan nala'ing an muntudo' an onda itudo' nadan pinhoddan ibaga.

Psalm 45:1 Iomraidhean Croise

2 Samuel 23:2

Nan Espiritun Apu Dios ya ha"on di punhapitonan mangibaga hinan ibagana.

Ezra 7:6

Ya hituwen hi Ezra ya nalpuh ad Babilon. Hiya ya muntudtudu ya na"innilana nan Nitudo' an Tugun Moses an indat Apu Dios i dida an tinanud Israel. Ya hi Apu Dios di bimmoddang i hiya ta an namin di imbaganah nan patul on inabulutna.

Job 33:3

Ya maphod di punnomnom'u an adiya' munlayah.

Job 34:4

Ot hanat nomnomon ta'u ta ma'innilaan ta'u hi'on nganne nadan maphod.

Psalm 2:6

Ya hidih nan nabillid an niyappit i hiya an ma'alih ad Zion ya wahdiy pinto'na tuwali an Patul.

Psalm 42:1

Apu Dios, he"a ahan di ma'ahhapul'u an umata' hinan na"uwoh an ulha an adi mangmanghop an e manama' hi liting.

Psalm 49:3

Te hituwen ibaga' ya ongal di iyatana hinadan mangngol te madduman nan innilada ya luma'ingda.

Psalm 69:1

Apu Dios, hanat ihwanga' bahan te paddungna tayyay mun'altinga'.

Psalm 80:1

He"a Apu Dios di mi'alig hi mumpastol i da'min holag Joseph an tinanud Israel an alyom hi wa'ahnan inumbun hinan tronom hinan numbattanan nadan Kerubim ya daan mo ta ipatigom nan ongal an abalinam

Proberbs 16:23

Nan nanomnoman an tagu ya pa'annomnomona on ahi humapit ta hiya nan maphod hi pangngolan nadan tatagu.

Kantan Solomon 1:12

Hidin bumbummaktad nan lala'in popohdo' ya hinunghungna nan immalimuttamut an pabanglu'.

Isaiah 5:1

Aga ta ikantaa' nan gayyum'u an waday intanomnah greyp hinan ma'allumong an nabillid

Matthew 12:35

Te nan maphod di nomnomnan tagu ya maphod boy hapitona. Mu nan adi maphod di nomnomna ya adi bo maphod di hapitona.

Matthew 25:34

Ya ha''on an Patul ya alyo' hinadan tataguh way winawwan'uy, Da'yun impaphod Ama ya da'yuy middum hinan pun'ap'apuwana an indadaana tuwali an nihipun hi nunlumuwanah tun luta.

Matthew 27:37

Ya hinan baktun di uluna ya impata'dahdi nan tabla an nangitudo'andah nan impabahuldan hiya. Ta hay nitudo' hidi ya, Hiyah tuweh Jesus an Patul di Judyu.

Epesus 5:32

Hay ni'aligan tuwe ya nan niyatan Kristu hinadan kimmulug te niddum ta'u mon hiya.

2 Peter 1:21

Te nan hapit Apu Dios an intudo' nadan propetah din nadne ya bokon hay nomnomday nalpuwana te nan Espiritu di nangipa'innilah nan intudo'da.