Psalm 43:3 - Nan Hapit Apu Dios

³ Hanat papatalom bahan tun paddungnay munhihillong an nitaguwa'. Ta ipa'innilam nadan tugunmu ta wan innilao' di nipto' hi ato'. Ya ibangngada' bahan hinan nabillid an awadan nan Templom ta e da'a dayawon hidi.

Psalm 43:3 Iomraidhean Croise

2 Samuel 15:20

Te he"a ya on paddungnay ad ugaban ya abuh han immaliyam ot ta'on hi adi'a mi'yali i da'mi te aggemi bo udot innilay pangipluyanmi. Ot mumbangngad'aot nimpe ta ipangulum nadan ibbam. Ot hanat hi Apu Dios di nanongnan mangipapto' i da'yu.

2 Samuel 15:25

Ya alyon nan patul i Sadok di, Ibangngadyu tun Kahun an nittuwan nan Hapit Apu Dios hi boble. Ta maphod'ey panigon Apu Dios i ha"on ya pumbangadona' ta tigo' hituwen Kahun ya nan iha"adana.

1 Chronicles 16:1

Hidin indatongda nan Kahun ot eda ipaghop hinan natoldaan an impiyamman David. Ot i'nongda nadan maghob an mi'nong ya nadan mi'nong hi pi'hayyupan i Apu Dios.

1 Chronicles 16:39

Ya hi Sadok ya nadan ibbana an padi di pinto' David hi muntamuh nan pundayawan i Apu Dios hi ad Gibeon.

1 Chronicles 21:29

Mu i diye ya wadah ad Gibeon nan tabernakel ya nan punggobhan hi mi'nong an inyamman da Moses hidin awadandah nan agge naboblayan.

Psalm 119:105

Hanan hapitmu Apu Dios ya paddungnay dilag an dilaganay awo'.

Psalm 143:10

Ya he''a an dayawo' ya hanat itudduwana' ta hanadan pohdom di ato'. Ya hanat ipapto'a' hinan ma'ulen Espiritum ta malinggop di pi'taguwa'.

Psalm 2:6

Ya hidih nan nabillid an niyappit i hiya an ma'alih ad Zion ya wahdiy pinto'na tuwali an Patul.

Psalm 3:4

Ot ta'on on wada'ah nan nabillid an niyappit i he"a ya mundasala"e an mumpaboddang ya tobalom di dasal'u.

Psalm 36:9

Ya he''a nimpey alpuwan di itaguwanmi. Ya ipa'innilam di maphod hi atonmi ta paddungnay patalam di nomnommi.

Psalm 40:11

Ot hana ahan Apu Dios ta minaynayun nan homo'mun ha"on. Ya atbohdi nan pamhodmu ya pangipapto'mun ha"on.

Psalm 42:4

Mahkit di nomnom'u hi'on nanginomnoma' din ugganmi abulogan an ipangulu' nadan tatagu hinan pundayawan i Apu Dios an mun'am'amlong amin mangit'itkuk hi pundayawmi ya punhanaanmi i hiya.

Psalm 46:4

Te ta'on on athidi ya wada han paddungnay adi matdu' an obob an umipa'amlong hinadan tatagu an wahnan nahamad an boble an awadan nan pundayawan i Apu Dios.

Psalm 57:3

Ot ta'on on wah ad abunyan ya donglonay dasal'u ta ihwanga' i hiya. Ya boddangana' ta ma'abak nadan binuhul'u ta mibabainda. Mu hi Apu Dios ya ipatigona nan munnananong an pamhodnan ha"on ya adina ibahhon aton nadan imbagana.

Psalm 57:4

Lini''uba' tayyah binuhul'u an matadom di panapitda an umat hi ispada. Ya umatdah layon an mangan hi tagu an ay pahul ya papan di panay bobada.

Psalm 78:68

Te ha moy pinto'na ya nan boblen nadan tinanud Judah hidih nan nabillid hi ad Zion an pinpinhodna.

Psalm 84:1

Ongal di abalinam Apu Dios ya nunhiglan ma"aphod nan Templom.

Psalm 97:11

Ot mipa'amlong ta'un mangun'unud i Apu Dios te napatalan di punnomnom ta'u.

Mikah 7:20

Ya innilami bo an ipatigom nan nahamad an pamhodmu ya homo'mu i da'mi nimpen tatagum ta mipa'annung nan hinapitmu hinadan a'ammodmi an da Abraham ya hi Jacob.

Mikah 7:8

Ot da'yun binuhulmi ya adi da'mi ngihngihilan hinan punligatanmi te ta'on hi mihubag ami mu bumangon ami damdama. Ya ta'on hi paddungnay wada amih nan munhihillong mu hi Apu Dios di mamatal hinan awonmi.

John 1:17

Te ta'on on wada tuwali nan uldin an indat Apu Dios i Moses ya gahin di umalih Jesu Kristu ta hiyay mangipa'innilah nan nahamad an homo' ya nan immannung an ma'unud.

John 1:4

Ta hiyay alpuwan di pi'taguwan ya hiyay mamatal hi nomnom di tatagu ta wan innilaonda nan a'at di pi'taguwan i Apu Dios.