Psalm 43:2 - Nan Hapit Apu Dios

² He''a Apu Dios nan paddungnay doplah an ihi"ugan. Mu tanganuna' mahan ingnganuy i he"a? Ya tanganunmu inyabulut an paligatona' hinadan binuhul'u?

Psalm 43:2 Iomraidhean Croise

1 Chronicles 28:9

Ya alyon David i Solomon di, He"a'e an imbabale' Solomon ya hanat hi Apu Dios an un'unudo' an hi amam di un'unudom. Ta hiya ya abuh di pangiyohhaam hi nomnommu hinan punhilbiyam te hiya ya innilanan namin di wah nomnom ta'u ya nadan gagamgaman ta'u. Ya hi'on hiyay pundinolam ya boddangan da'an hiya. Mu iwalongmu'e tuwali an mundinol i hiya ya ma"id ha bahhonan iwalong da'an hiya hi inggana.

Psalm 140:7

Te he''an na'abbaktun Dios ya abalinam an mangihwang i ha"on te he"ay nangih'ihwang i ha"on hi e' ni'gubagubatan.

Psalm 28:7

Te hiyay nangipabikah i ha"on ya hiyay paddungnay hapiyo'. Ta hiya nan nanongnan hiyay pundinola' te hiyay bumanoddang i ha"on. Ta hiya nan nunhiglay amlong'u ya ikankanta' di punhanaa' i hiya.

Psalm 31:4

Ya hanat ihwanga' hinadan paddungnay bitun inihod nadan binuhul'un ha"on te he''a nimpe han mabalin an bumoddang i ha"on.

Psalm 42:10

Ta ta'on on hanan pangalida ya mahkit an paddungnay puntudukday puhu'. Te alyonday daan bo anu ta boddangana' hinan Dios an dayawo'.

Psalm 42:9

Te he''a nan paddungnay doplah an ihi''uga' mu tanganuna' ingnganuy i he"a ta holholtapo' tayyay pangat nadan binuhul'un ha''on.

Psalm 44:9

Mu ad uwani ya ingnganuy da'mi ta adim mo ipangulu nadan tindalumi ta hiya nan ma'abak ami ta mibabain ami.

Psalm 71:9

Ot hanat adiya' bahan iwalong hi ad uwanin na'amammaa' ya kimmapuya'.

Psalm 77:7

On adi da'mi nin mo hom'on i Apu Dios ta inganuy da'mih inggana.

Psalm 88:15

Nihipun hi amangilog'u ya nunhiglay nunholholtapa' hinadan nundusam i ha"on ta pamaag ya aya' mate.

Psalm 94:14

Innila' ot adi inganuy Apu Dios nadan ibilangnah tataguna te nabaloldan hiya.

Hay Nakakan 15:2

Ta hiyay nangdat hi bikah'u ya am'amlong'u te inihwanga' i hiya. Ya hiya nan Dios an dayawo' ya nan anabaktunay haphapito' ya ikankanta'. Ya hiya tuwaliy dinayaw handidan a'ammod'u.

Isaiah 40:31

Mu nada'e an mangidinol i Apu Dios ya pabikahona dida. Ta umatdah nan agila an abalinanda an tumayap hinan natage. Ya ta'on onda tanagtagon ya adida mable ya atbohdi an ta'on onda dumanallanan ya adida mahalangob.

Isaiah 45:24

Ta hitun a'atana ya ahi alyon mohpen di tatagu di, Hi Apu Dios ya abuh di alpuwan di nipto' an punnomnom ya abalinan. Ta an namin nadan humihiwo i ha"on ya mibabainda.

Sekariah 10:12

Ta pabikaho' dida ta nanongnan ha"on di un'unudonda ya pundinolanda. Ha"on an Dios di mangalin tuwe.

Epesus 6:10

Hay ma'udih itugun'un da'yu ya mahapul an idinol ta'uh nan Ap'apu ta'u ya nan ongal an abalinanan bumoddang i dita'u ta way aton di pangulug ta'un hiya an mihamad.

Pilipay 4:13

Te innila' an ta'on on nganney ma'at ya abalina' te wadah Kristu an bumoddang i ha''on.