Psalm 42:6 - Nan Hapit Apu Dios

⁶ Mu hi ad uwani Apu Dios ya nunhigla tayyan umukayungana'. Ta hiya nan nomnomnomon da'ah tun awada' an nihaggon hinan wangwang an nungngadan hi Jordan an mamangmang nadan billid an nungngadan hi Hermon ya nan billid an nungngadan hi Misar.

Psalm 42:6 Iomraidhean Croise

2 Samuel 17:22

Ot agwaton da David ya nadan tatagunah diyen wangwang an nungngadan hi Jordan i diyen nahdom ta hidin mun'abigat ya napuhupuhda an ma"id ha nataynan i dida.

2 Samuel 17:27

Yaden da David ya hidin dimmatongda hi ad Mahanaim ya inapngan Sobi an imbabalen Nahas an tinanud Ammon an numbobledah ad Rabbah ya hi Makir an imbabalen Ammiel an i Lo-Debar ya hi Barsillay an i Rogelim hi ad Gilead.

Psalm 133:3

Ya hay pun'u'unnudan ya nipaddung bo hinadan dulnuh nadan billid an nungngadan hi Hermon ya hinan nabillid hi ad Zion. Te hituwen nahamad an pun'u'unnudan di lummuh punwagahan Apu Dios i dida ya pi'taguwona didah munnananong.

Psalm 22:1

Apu Dios, tanganuna' ahan ingnganuy? Ta hay punli'na' tayya ya na'iddawwi'a ta adim dongdonglon di palak'u. Ya tanganu bahan ona' adi boddangan i he"a?

Psalm 43:4

Ta ikankanta' hidiy pundayaw'un he"a ya ipagangoh'u nan harp te he''ay nangipa'amlong i ha"on.

Psalm 43:5

Mu ten ad uwani ya minomnomana' mu alyo' di undan nimmanomnomta'e ya nganney iboddangna. Pamaaggot eh'a ya inyohhay pundinol ya pundayaw i Apu Dios ta hiyay ukod an bumoddang ya mangihwang i dita.

Psalm 61:2

Te ma"id mahan mo tayya ha abalina' ya nidawwiya' hinan nunhituwa'. Ot hanat iyeya' hinan awadan di nahamad an ihi"ugan.

Jonah 2:7

Ya hidin amta' an ay maguyud di yahyah'u ya ni'happitana' i he''a ya dingngola' hinan awadam.

Matthew 26:39

Ot e mibata"an hi Jesus ot mundu"un an inda"omnay angahnah nan luta ot mundasal an alyonay, Ama, hi'on mabalin ya adim bahan iyabulut hituwen nunhiglan e' holtapon. Mu bokon nan pohdo' di ma'at ta nan pohdom.

Matthew 27:46

Ta hidin alas tres ya tinumkuk hi Jesus an alyonay, Eloy, Eloy, lama sabachthani? Hay ibalinan nan inalina ya, Apu Dios, tanganuna' ingnganuy i he''a?