Psalm 42:5 - Nan Hapit Apu Dios

⁵ Mu ad uwani ya wa'et minomnomana' on alyo' di undan nimmanomnomta'e ya nganney iboddangnan dita. Pamaaggot eh'a ya inyohhay pundinol ya pundayaw i Apu Dios ta hiyay ukod an bumoddang ya mangihwang i dita.

Psalm 42:5 Iomraidhean Croise

Job 13:15

Ot patayona"e tuwali i Apu Dios ya undan nganne damdamay ato' an hiyay kulugo'. Mu mahapul an ibaga' damdama nadan pohdo' an ibaga i hiya.

Psalm 35:14

Ta umat hi ato' an mangidasal hinan hi ibba' onu gayyum'u an mundu"una' an mundasal an pato' hinan umukayungan te natey hi inana.

Psalm 37:7

Ot hanat adi ayu nimpe numanomnom. Ta pamaag ya nundinol ayun Apu Dios ta ukod i hiyah nan nitaguwanyu. Ta adi ayu umamoh hi e kimmadangyanan nadan udum an tatagu an ta'on on hanadan e kumulukuluk.

Psalm 38:6

Ya nunhigla tayyan adiya' pa''itpol hi dogohna ya adiya' pa'atta'dog ta pamaag tayya ya ona' umukayungan hi abigabigat.

Psalm 42:11

Mu ad uwani ya wa'et minomnomana' on alyo' di undan nimmanomnomta'e ya nganney iboddangnan dita. Pamaaggot eh'a ya inyohhay pundinol ya pundayaw i Apu Dios ta hiyay ukod an bumoddang ya mangihwang i dita.

Psalm 43:5

Mu ten ad uwani ya minomnomana' mu alyo' di undan nimmanomnomta'e ya nganney iboddangna. Pamaaggot eh'a ya inyohhay pundinol ya pundayaw i Apu Dios ta hiyay ukod an bumoddang ya mangihwang i dita.

Psalm 44:3

Mu bokon hay almasda onu la'ingdan mi'gubat di nangabakanda te gapuh nan ongal an abalinam ya wadawada'a an bumoddang i dida te pinpinhodmu dida.

Psalm 56:11

Ya adiya' tumakut te hiyay pundinola' hi mangipapto' i ha"on ot ma"id ha tagu hi abalinanan manadag i ha''on.

Psalm 56:3

Mu hinan timpun tumakuta' ya mundinola' i Apu Dios an ongal di abalinana.

Psalm 61:2

Te ma"id mahan mo tayya ha abalina' ya nidawwiya' hinan nunhituwa'. Ot hanat iyeya' hinan awadan di nahamad an ihi"ugan.

Psalm 71:14

Mu ha''on'e ya nanongnan mundinola' i he"a ta hiya nan iyal'ala' an mundayaw i he''a.

Psalm 77:3

Ta hiya nan wa'et nomnomnomo' hi Apu Dios on namaman mahkit di nomnom'u te ma''id mo ha namnama'.

Isaiah 30:29

Mu dita'u'e an tatagun Apu Dios ya mun'am'amlong ta'u ta mungkanta ta'u an umat hinan aton ta'u hinan mahdom hinan nagtud an mangilin an algo. Ya umat boh nan pun'am'amlongan ta'u hinan umayan ta'uh nan nabillid hi ad Jerusalem an awadan nan mumpapto' i dita'un tinanud Israel an ipangulu dita'uh nadan mun'ungngiyung.

Isaiah 50:10

Ot nan waday takutna i Apu Dios ya un'unudona nan ibagan nan baalna ya ta'on on naligat di ma'at an paddungnay wah nan munhihillong ya ihamadnan mangidinol i Apu Dios. Ta hiyay pangiyukodana hinan nitaguwana.

Bilang 6:26

Ya adi da'yu iwalong i hiya mu palinggopon da'yu.

Matthew 1:23

Nomnomnomonyu an ahi mawadaan han babai an ta'on hi ma"id ha inilo'nah lala'i. Ya hay iyayyamna ya han lala'i ta ngadananda hi Immanuel an hay pinhod nan Immanuel an ipa'innila ya wadah Apu Dios i dita'u.

Matthew 26:38

Ot alyonan diday, Nunhigla tayyan mahkit di punnomnom'u an aya' mate. Ot hanat umohnong ayu bahan ta mi'tukal ayun ha''on.

Matthew 28:20

Ya itudduyun didan namin nan intugun'un da'yuh atonyu ta hiyay atonda damdama. Ot wadawadaa' i da'yu hi inggana.

1 Samuel 30:6

Ya nadan nun'ibban David ya punhahapitanda an topon hi David an gapuh nan nunnaud an hakit di nomnomda hi ama"id nadan imbabaleda. Ta hiya nan namama an minomnoman ahan hi David. Mu inyukodna i Apu Dios an dayawona.