Psalm 40:17 - Nan Hapit Apu Dios

¹⁷ Ya ta'on on athitun ahohomo'a' ya kimmapuy mo teey adol'u mu hanat adiya' bahan inganuy i he"a Apu Dios. Te he"a ya abuh han mabalin an bumoddang ya mangihwang i ha"on. Ot hanat boddangana' bahan.

Psalm 40:17 Iomraidhean Croise

Psalm 109:22

Te nunhigla tayyan maligligatana' ya mahmo'a' ta hiya nan ma'ahhapul'uy boddangmu.

Psalm 34:4

Te hidin numpaboddanga' i hiya ya dingngolna ot ihwanga' hinadan e' tumakutakutan.

Psalm 34:6

Umat i ha''on an hidin numpahmo'a' i Apu Dios ya binoddangana' i hiya hinadan punligata'.

Psalm 35:27

Ot hanat mipa'amlong nadan tatagu an hay hihimlonda ya hay ipa'innilaan di a''id di bahul'u. Ta wan nanongnan alyonday, Madayaw hi Apu Dios te hay pun'amlongana ya hay e luminggopan di baalna.

Psalm 40:5

Immannung Apu Dios an ma"id ha udum hi umat i he"a te ma"id ha bilang nadan milagro an ina'inatmu ya atbohdi nadan ninomnommun aton an iphodanmi.

Psalm 54:4

Mu he''a Apu Dios di nahamad hi bumoddang ya mangibaliw i ha''on.

Psalm 69:33

Te hi Apu Dios ya donglonay dasal nadan nun'awotwot ya adi minaynayun an minganuyda. Ya adina linglingon nadan tatagunan nun'ibalud.

Psalm 70:5

Ot ta'on on athitun ahohomo'a' te ma'ma"idana' ya kimmapuy mo teey adol'u mu hanat adiya' bahan inganuy i he"a Apu Dios. Te he"a ya abuh han mabalin an bumoddang ya mangihwang i ha"on. Ot hanat boddangana' bahan.

Psalm 86:1

Apu Dios, hanat boddangana' bahan te ma"id ahan ha abalina'.

Isaiah 25:9

Ta ahi alyon nadan tatagu di, Immannung an hiya nan Dios an nangidinolan ta'u ta hiya nan inihwang dita'u. Ot maphod on mun'am'amlong ta'u hi nanaguwana i dita'u.

Isaiah 41:17

Ya wa'e ta ma'ma"idan ha liting ta maligatan ayu an ay ayu mateh inuwohyu ya donglo' di dasalyu. Te adi da'yu inganuy i ha"on an Dios an dayawonyu nimpen tinanud Israel.

Matthew 8:20

Ya inalin Jesus i hiyay, O mu naligat di mi'unud i ha''on te ibaga' i he''a an manuh nan amunin te waday ihiggu'ana ya atbohdih nan hamuti an waday pumbuyaana. Mu ha''on an Nitulang Hitun Tatagu ya ma''id ni'mo ha e' pangippingan hi ulu'.

2 Kulintu 8:9

Ot innila ta'u an gapuh homo' Apu ta'un hi Jesu Kristu i dita'u ya ta'on on kakaddangyanan ya tinaynanah diyen kinadangyana ta immalih tun luta ta gapuh nan inatna ya mabalin an mawadan dita'u nan nabalol hi itaguwan ta'u.

Hebrew 13:6

Ta hiya nan mabalin an mundinol ta'u i Apu Dios. Ot ta'on on nat'onat'on di ma'at i dita'u ya way ohaon alyonay, Hi Apu Dios di bumoddang i ha''on. Ot ta'on on nganney aton di tatagun ha''on ya adiya' tumakut. Te onda tagu ya abuh.

James 2:5

Da'yun i'iba, nomnomonyu tun ibaga'. Dakol nadan nun'awotwot an kimmulug an pinilin Apu Dios an ibilangnah kakadangyan an gapuh pangulugda. Ta ta'on on dida ya middumdah nan pun'ap'apuwana te hidiyey imbaganah ma'at hinadan tatagun naminhod i hiya.

1 Peter 2:23

Te hi Jesu Kristu ya ta'on on nunhiglay nama'baindan hiya ya ma''id ha nibahhoh nambalna. Ya atbohdih namalpaligatandan hiya an aggena imballoh mu ona inyukod i Apu Dios te hiya ya nipto' di punhumalyana an ma"id ha pangipangngelana.

1 Peter 5:7

Ya iyukod ta'un hiyan namin nadan inomnoman ta'u te hiya ya nanongnay pangipapto'nan dita'u.

Nipa'innila 22:20

Ya hi Jesu Kristu an nangipa'innila i datuwen intudo"u ya alyonay, Immannung an agagga ya mumbangngada'. Ot alyo' di, Hinaey pohdo'. Ot maphod on agagga ya umali'a Apu Jesus.