Psalm 34:2 - Nan Hapit Apu Dios

² Ya hiyay dayawo' an gapuh nadan inatna. Ta alinaot ya donglon nadan maligligatan tun ato' ya waot an mi'yam'amlongda.

Psalm 34:2 Iomraidhean Croise

Job 1:21

an alyonay, Ma"id ha intakin'uh niyayyama' ot atbohdin mateya' an ma"id ha itakin'u. Te hi Apu Dios di nangdat hi an namin ot hiya boy namangngad i dadiyen namin. Madayaw damdamah Apu Dios.

Psalm 105:3

Ot dayawon ta'u nan Dios an ma"id ha adi maphod i hiya. Ya hanat mun'am'amlong ta'un mundayaw i hiya te hiyay ud tagun dita'u.

Psalm 119:74

Ta wa'et tigon nadan ibba' an mangun'unud i he"a nan pangipapto'mun ha"on ya mun'am'amlongda te mundinola' hinadan tugunmu.

Psalm 142:7

Ta paddungnay eya' imbalud. Ot hanat pabikahom di punnomnom'u ta adi minaynayun di umukayunga' ta way ato' an mangipabaktun he''a. Hanadan tatagum an mangun'unud i he"a ya mi'yam'amlongdan ha"on an gapuh nadan maphod an pangatmun ha''on.

Psalm 44:8

Ot he''a Apu Dios di nanongnah ipabaktumi ya punhanaanmih inggana.

Isaiah 45:25

Mu da'yu'en tinanud Israel ya ibilang da'yu hi maphod ta ha"on di dayawonyu.

Jeremiah 9:24

Te hay maphod hi ilattuwagyu ya nan nanginnilaanyun ha"on an Dios ya nan abalinanyun manginnilah a'at'u. Te ha"on an Dios ya ma'uleya' ya mabalin an pundinolana'. Ya ongal di homo"uh nadan tataguh tun luta te datuwey pun'amlonga'.

1 Kulintu 1:31

Te impitudo' Apu Dios an alyonay, Hanat bokon hay adol ta'uy ilattuwag ta'u ta hanaot an inat nan Ap'apu ta'uy ilattuwag ta'u.

2 Kulintu 10:17

Te hinan nitudo' an hapit Apu Dios ya alyonay, Hanan tagun pinhodnan munlattuwag ya hanat hanan iphodan ta'un inat Kristuy ilattuwagna.