Psalm 3:5 - Nan Hapit Apu Dios

⁵ Ya ta'on on hinan alo'a' hinan mahdom ya malinggopa' te innila' an ipappapto'a' i he"a.

Psalm 3:5 Iomraidhean Croise

Psalm 127:2

Ya atbohdi an ma"id ha hilbina an eta muntamuh nan mun'awiwi''it ta ingganah nan ma'ahom on ahita umanamut an gapuh e panama' hi itanud tun adol. Te hi Apu Dios ya idatnay mahapul nadan pinpinhodnan tataguna an ta'on on malo'dah nan timpun di alo'an.

Psalm 34:5

Ot mipa'amlong nadan mangidinol hi nitaguwandan hiya te adida mibabain hi inggana.

Psalm 4:8

Ta hiya nan malinggop di e' alo'an te madinola' an ipadutu'a' i he"a.

Psalm 66:9

Te hiyay nangihwang i dita'u ta agge dita'u inabak hinadan binuhul ta'u.

Proberbs 14:26

Nan tagun waday takutna i Apu Dios ya hidiyey mangdat hi nahamad an dinolna ya hay adina punduwaduwaan hinan pangipapto' Apu Dios i hiya ya nan pamilyana.

Proberbs 18:10

Hi Apu Dios ya ni'alig hi ihi''ugan nan tagun nipto' di pangatna ta wan mipapto'.

Proberbs 3:24

Ya malinggop hi em alo'an te ma''id ha itakutmu.

Isaiah 26:3

Te palinggopon Apu Dios nan tagu an nanongnan na'unud ya mundinol i hiya.

Lebitikus 26:6

Ta malinggop ayu nimpeh nan numboblayanyu ta maphod di eyu alo'an an ma''id ha itakutyu. Ya abulo' nadan atatakut an animal hinan potaal ta adida umalih nan numboblayanyu. Ya ma"id ha umalih mangubat i da'yu.

Apostoles 12:6

I diyen nahdom an ibiggatana ya ipapaten Herod hi Peter ta impalo'dah nan way numbattanan nan duwan tindalu an mungguwalya. Ya binangkilingandah duway bangkiling ya nat'onda mohpe nadan mungguwalyah nan way panton diyen baludan.