Psalm 27:5 - Nan Hapit Apu Dios

⁵ Te hinan timpun di punligata' ya hiyay paddungnay ihi"uga'. Ya madinola' an boddangana' te paddungnay iyeya' hi uhhun ha natagen doplah.

Psalm 27:5 Iomraidhean Croise

2 Chronicles 22:12

Ta impapa"edahdi nan golang an hi Joas hi onom di tawon i diyen numpatulan nan babai an hi Ataliah hi ad Judah.

Psalm 10:1

Apu Dios, tanganu on'a immadawwi i ha''on? Ta adiya' hanguton i he"a hi ad uwanin maligligatana'.

Psalm 119:114

Te madinola' hinadan tugunmu te dadiyey paddungnay ihi"uga' onu hapiyo'.

Psalm 138:7

Ta ta'on hi lini'woha' hi punligatan ya innila' an ipapto'a'. Ya he''ay mi'hanggah nadan mun'abungot an binuhul'u ta mihwanga' an gapuh nan ongal an abalinam.

Psalm 17:8

Ya hanat ipapto'a' bahan an umat hi pangipapto' di manu' hinan impahna an obobana.

Psalm 18:33

Ya hiyay mangipa'awiging i ha''on ta umat hi pamtik di ulhay pamtik'u. Ta ta'on on hinadan nun'atagen billid ya abalina' an bumtik hidi ta mihwanga'.

Psalm 31:20

Ot gapu ta he"ay ihi''uganda ya hanat adim iyabulut an ma'at i dida nan pohdon nadan binuhuldan aton i dida. Ya hanat ita'dogmu didah nadan layah an ipabahuldan dida.

Psalm 31:21

Madayaw hi Apu Dios te impatigona bo nan ongal an pamhodna i ha"on ta inihwanga' hidin lini"uba' hinadan binuhul'u.

Psalm 40:2

Te paddungnay wadaa' i ha pitoppito' an adallom an bitu ot guyudona' i hiya. Ot eya' pata'dogon i han nahamad an batun umohnongan ta teen malinggopa' mohpe.

Psalm 40:3

Ot itudduwana' i han balbalun kanta an pundayaw i hiya. Ta hanadan nanigo i diyen inatnan ha"on ya middumdan mundayaw i Apu Dios ta hiya moy un'unudonda.

Psalm 46:1

Hi Apu Dios di nahamad hi ihi''ugan ya hiyay mangdat hi bikah ta'u. Ya nanongnan wadawadan bumoddang i dita'u hinadan punligatan ta'u.

Psalm 50:15

Ot wada'ey punligatanyu ya ihwang da'yu ta wan ha''on di dayawonyu.

Psalm 57:1

Hanat hom'ona' bahan Apu Dios te he''a han innila' hi paddungnay ihi"uga' an umata' hinan im'impah an mihi''ug hinan paya' inana ta inggana hi ume nan nunhiglan puwo'.

Psalm 61:2

Te ma"id mahan mo tayya ha abalina' ya nidawwiya' hinan nunhituwa'. Ot hanat iyeya' hinan awadan di nahamad an ihi"ugan.

Psalm 61:3

Mu he"a an ongal di abalinana di paddungnay nahamad hi ihi"uganmi hi'on tuweday binuhulmi.

Psalm 77:2

Te hidin nunhiglay punligata' ya hiyay numpahmo'a' an inlablabi' an nangitaggeh ta'le' an nundasal mu hiyah diyen aggeya' binoddangan i hiya.

Psalm 83:3

Ya deen humanahapitdah atondan manadag i da'min pinpinhodmun tatagum

Psalm 91:1

Nan tagun nan ongal di abalinanan Dios di ihi''ugana ya malinggop di nitaguwana te hiyay mangipapto' i hiya.

Psalm 91:15

Ya wada'ey punligatana ya nundadaana' an mangat hinan dawatona. Ya ihwang'u nimpe ya winagaha' ta pumhod di nitaguwana ta hiyay tangadon di tatagu.

Proberbs 18:10

Hi Apu Dios ya ni'alig hi ihi''ugan nan tagun nipto' di pangatna ta wan mipapto'.

Isaiah 26:16

Hidin hinuplit da'mi i he"a Apu Dios ya nunhiglay napalpaligatanmi ot mundasal ami an mumpahpahmo' i he"a.

Isaiah 26:20

Ot da'yun ibba' an tinanud Israel ya umanamut ayu ya nundakig ayu. Ta mipa"e ayu ni' ta ingganah mipahday bungot Apu Dios.

Isaiah 32:2

Te way oha i dida on umatdah nan nahamad an ihi"ugan hi'on waday puwo'. Ya umatda boh nan liting hinan wa"el hinan na'appudut an luta onu hinan nahiduman an pu"un di doplah hinan nunhiglay potang.

Matthew 23:37

Ya innayun bon Jesus an alyon i didan i Jerusalem di, Nunhigla ahan tayyan mahkit di nomnom'uh nan ato'atonyu an umat hinan eyu namatapatayan hinadan propeta ya nadan udum an nuntudtuduwon Apu Dios an nunhintotopaanyu dida. Ya numpi'atna ahan di nangipatnaa' an mangamung i da'yun namin ta ipapto' da'yu an umat hi pangipapto' di manu' hinadan impahna mu ningamut an aggeyu pinhod.

Kolosi 3:3

Hanan nitaguwan ta'u ni' ya paddungnay nate mu ad uwani ya nahukkatan hinan balun pi'taguwan ta'u i Kristu ya i Apu Dios an agge ni' na'innilaan di tataguh tun lutay a'atna.