Psalm 26:10 - Nan Hapit Apu Dios

¹⁰ te impa'inghadan mangat hi adi maphod ya nalakadan mabayadan ta atonday adi maphod.

Psalm 26:10 Iomraidhean Croise

Psalm 10:14

Mu innila' an tigtiggom di punholholtapan nadan udum an tatagu. Ya he''a han dinlonda an bumoddang i dida te he''a han mabalin an mangita'dog hinadan nun'apuhig.

Psalm 11:2

Te ta'on on hanadan adi maphod di pangatda ya indadaanday panada ta eda mumbota' ta wa'e ha mala"uh hinadan maphod di pangatna on pinanada dida.

Psalm 36:4

Ta ta'on on nibakilangdah nan alo'anda ya numanomnomdah adi maphod hi atonda. Ta ma''id nimpe ha alyondah idinongdan mangat hinadan adi maphod an impa'inghada.

Psalm 52:2

Te on hay atom an mamahbah hi ibbam an tagu di nun'onan hi nomnommu. Ta matadom di panapitmu ya na'la''ing'an mangap'apyah layah.

Hay Nakakan 23:8

Ya hi'on nan tagun bimmahul ya bayadan da'a ta hiyay boddangam ya adim abuluton te nan ibayadna di ay mamilok i he"a ta adi ma'at nan nipto' an ma'at hinan tagun ma"id ha bahulna.

Proberbs 1:16

Te dida ya hi kittang on pumateda ya gahin ahan onda mangat hi adi maphod.

Proberbs 4:16

Te nadan tatagun athidiy a'atda ya adida duminong ta ingganah on waday atondah adi maphod. Ya adida malo' ta ingganah on waday dadagondah ibbadan tagu.

Isaiah 33:15

Mu nada'en nipto' di pangatda ya impa'inghadan mangibaga hinan immannung ta adi mabalin an mabayadanda ta atonda nan nibahho. Ya adida midmiddum hinadan numanomnom an mangat hi adi maphod an umat hi eda pumatayan.

Amos 5:12

Te hi Apu Dios ya innilana nadan himpappangen numbahulanyu. Ya paligligatonyu nadan nipto' di pangatnan tatagu te alanyu nadan ibayadda i da'yu ta adi ma'at nan nipto'. Ya da'yu boy gumapu ta adi ma'at nan lebbengnan ma'at hinadan nun'awotwot hinan punhahapitan.

Mikah 7:3

Ta way ohaon hanan adi maphod di impa'inghanan aton. Ya nada'en waday sa'adda ya hay midat i dida di eda ibagabaga. Ya nada'en mangipanuh hi kasu ya mumpabayadda ta ta'on on nadan numbahul ya mabalin an pangabakonda. Ya nadan kakadangyan ya nan pohdonday ma'unud. Ta mumboboddangdan namin an mangat hi adi maphod.

Apostoles 23:12

Hidin nabiggat ot ma'amung nadan udum an Judyu ta hahapitonday atondan mamate i Paul. Ta insapatadan adida mangan ya adida uminum ta ingganah on patayondah Paul.

Deuteronomy 16:19

Ta ma"id ha pangipangngelanda ya adida mumpabayad hinan tagun waday bahulna. Te nan pihhun ibayadda ya hidiyey ay mamilok hinan mangipanuh hinadan mihahapit an ta'on on hiya ya nanomnoman.

1 Samuel 8:3

Mu adi umat i amaday pangiye"eda te hay pihhuy gagamgamanda an wa'e ha mihahapit ya numpabayadda ta agge nipto' di pangipanuhda.