Psalm 22:19 - Nan Hapit Apu Dios

¹⁹ Ot hanat adiya' bahan taynan i he''a Apu Dios te he"a han mabalin an mangipabikah i ha"on. Ot agam bahan ta boddangana'.

Psalm 22:19 Iomraidhean Croise

Psalm 10:1

Apu Dios, tanganu on'a immadawwi i ha''on? Ta adiya' hanguton i he"a hi ad uwanin maligligatana'.

Psalm 18:1

He''a Apu Dios an alpuwan di abalina' di pohpohdo'.

Psalm 21:1

Apu Dios, nunhiglay amlong'u an patul an gapuh nan ongal an abalinam. Te he"ay bimmoddang ta hiya nan nangaba'abak ami hinadan emi ni'gubagubatan.

Psalm 22:11

Ot hanat adiya' taynan i he''a te tuweda tayyay binuhul'u an mamalpaligat i ha"on. Ya he''a ya abuh han mabalin an bumoddang i ha''on.

Psalm 40:13

Ot hanat boddangana' bahan Apu Dios hi ad uwani ta mihwanga'.

Psalm 40:17

Ya ta'on on athitun ahohomo'a' ya kimmapuy mo teey adol'u mu hanat adiya' bahan inganuy i he"a Apu Dios. Te he"a ya abuh han mabalin an bumoddang ya mangihwang i ha"on. Ot hanat boddangana' bahan.

Psalm 70:5

Ot ta'on on athitun ahohomo'a' te ma'ma"idana' ya kimmapuy mo teey adol'u mu hanat adiya' bahan inganuy i he"a Apu Dios. Te he"a ya abuh han mabalin an bumoddang ya mangihwang i ha"on. Ot hanat boddangana' bahan.