Psalm 22:11 - Nan Hapit Apu Dios

¹¹ Ot hanat adiya' taynan i he''a te tuweda tayyay binuhul'u an mamalpaligat i ha"on. Ya he''a ya abuh han mabalin an bumoddang i ha''on.

Psalm 22:11 Iomraidhean Croise

2 Patul 14:26

Ya manu'eh binoddangan Apu Dios nadan i Israel ya tinigonan nunhiglay punligligatanda an ta'on on hanadan bokon himbut ya ma"id ahan ha e bumoddang i dida.

Psalm 10:1

Apu Dios, tanganu on'a immadawwi i ha''on? Ta adiya' hanguton i he"a hi ad uwanin maligligatana'.

Psalm 35:22

He''ay nanginnila Apu Dios hinan immannung. Ot daan mo bahan ta adim pamaag hi dindinong ta adiya' bahan iwalong.

Psalm 38:21

Ot hanat adiya' bahan iwalong i he"a Apu Dios.

Psalm 69:18

Ot agam bahan nimpe ta boddangana' ta ihwanga' hinadan binuhul'u.

Psalm 71:12

Ot hanat adiya' bahan taynan Apu Dios ya immali'aot ta boddangana'.

Psalm 71:6

Ya nihipun tuwalih din awada' hi putun ina ya he"ay nangipanapto' i ha"on. Ta hiya nan he"ay dayawo' hi inggana.

Psalm 72:12

Te hanan patulmi ya boddangana nimpe nadan nun'awotwot an mumpahmo' ya nadan mapalpaligat an ma"id ha bumoddang i dida.

Isaiah 63:5

Te masda'awa' hi naniga' hinadan tatagu' an ma"id ahan ha bumoddang i dida. Ta hiya nan gapuh bungot'u ya imballoh'u nan ina'inatda i dida.

Matthew 26:56

Mu ta'on ta ma'at datuwen namin i ha''on ta mipa'annung din impitudo' Apu Dios hinadan propetana. Ta ona imbagah diye ot bumtikdan namin nadan itudtuduwana ta tinaynandah Jesus.

Matthew 26:72

Mu inha''ut bon Peter an alyonay, Ay agge' man innilah naen tagu.

Matthew 26:74

Muden iha''utna bon alyonay, Isapata' an ta'on ona' dusaon i Apu Dios hi'ona' munlayah te agge' attog innilah naen tagu. Ta on hiyah indappuhna ya timmalanu han kawitan.

John 16:32

Padana' tee i da'yu an agagga ya mahiyahhiya' ayu ta punhintataynana' an way ohaon umanamut hi nunhituwana. Mu bokona' damdama oha te wadah Ama an pun'ibba'.

Deuteronomy 32:36

Te hi Apu Dios ya dusaona nadan tataguna mu wada damdamay homo'nan didan baalna hi paniganan adida abalinan an mangibaliw hi adolda ta oh'ohhay mabati i dida.

Hebrew 5:7

Hidin awadan Jesus hitun luta ya limmuwaluwan dimmasadasal ya nun'olotnay hapitnan numpahmo' i Amana te innilanan ammunah Apu Dios hi mabalin an mangihwang i hiyah ate. Ya gapu ta impada''ulnay adolna ta inunudnah Apu Dios ya dingngol Apu Dios nan imbagana.