Psalm 19:12 - Nan Hapit Apu Dios

¹² Hay tagu ya palpaliwana on numbahul. Ot hanat pakawanona' bahan Apu Dios hinadan numbahula' an agge' inatta.

Psalm 19:12 Iomraidhean Croise

Job 6:24

Ya undan waday tinigoyuh numbahula'? Di'et wada ya imbagayu ot donglo' nan itugunyu.

Psalm 139:2

Ya ta'on on idanay awada' ya innilam an namin di at'atto' ya nomnomnomo'.

Psalm 139:6

Ta hay nanginnilaam hi atagu' ya adi' ahan ma'awatan.

Psalm 40:12

Dakko'dakkol tayya tudan punligata' an paddungnay nili'wohdan ha"on. Mu innila' an manu'eh na'at datuwen ha''on ya gapuh nadan dakol an numbahula' an indakdakolna mu hay dinakol di ibu"u ta ma"id ha pot'o' hi ato' ya ma"id mo ha namnamao' hi nitaguwa'.

Psalm 51:2

Ya aanom bahan tudan adi maphod an a'at'u ta paddungnay ma'ulahana' hinadan numbahula'.

Psalm 65:3

Ya ta'on on nunhiglay numbahulanmi ya pinakawan da'mi.

Psalm 90:8

Te innilam an namin di bahulmi an ta'on on hanadan inatmi an ma"id ha nanginnila.

Hay Nakakan 24:12

Indani ya alyon Apu Dios i Moses di, Tumikid'ah tun billid ta umali'ah tun awada' ta idat'uy duwan batun nangitudo'a' hi an namin nadan tugun'u ta mitudduh nadan tatagu.

Proberbs 13:13

Nan tagun ngohayonay mitugun i hiya ya hay hadhaddona ya hay adusaana. Mu nan tagun un'unudonay mitugun i hiya ya waday gunggunana.

Isaiah 64:6

Te an namin ami ya umat amih nan mibilang hi nalugit an gapuh nadan ato'atonmi an pumbahbahulan. Ya hay panigom hi an namin nan alyonmi hi maphod an pangatmi ya umat hinan na'luggit an punhaikan ta alulugnin. Ya gapuh bahulmi ya umat ami boh nan nakling an tubu an nagah ot itayap di dibdib.

Jeremiah 17:9

Mu hay tagu ya nahalatom di nomnomna ta hiya nan huma'ul ta naligat an ma'awatan di a'atna te ningamut an adi maphod di nomnomna.

1 Kulintu 4:4

Te ta'on on hay punnomnom'u ya ma''id ha inat'uh gumalat hi pangihingalan Apu Dios i ha''on mu agge' innilah on athidiy punnomnom Apu Dios. Te nan Ap'apu ta'u ya abuh di mabalin an mangibagah nan immannung an a'at'u.

Deuteronomy 5:29

Ot pohdo' an adi maluman hinaen punnomnomda ta wan ha"on di taktanda ya un'unudondah inggana. Te onha athidiy atonda ot umannung an malinggopda ya ta'on on nadan holagdah inggana.

Deuteronomy 5:32

Ot tigonyu ta un'unudonyu nadan tugun Apu Dios i da'yu ta ma"id ha ibahhoyu.

Hebrew 9:7

Mu na'en mi'adwan kuwartu ya ammuna nan nabaktun padi an mabalin an hunggop hidih mumpinghan hi hintawon. Mu mahapul an waday dalan nan i'nongda i Apu Dios hi iyenahdi ta ena pun'iwalaghi' hinan way uhhun nan Kahun ta way aton Apu Dios an mamakawan hi bahulna ya bahul nadan ibbanan tatagu an ta'on on nadan aggeda inattan inat.

1 John 1:7

Mu onha nipaphod di pangat ta'u ot paddungnay napatalan ta'u an miyunnudan hinan patal Apu Dios ot wan maphod di punhahayyupan ta'u. Ya an namin di bahul ta'u ya pakawanon Apu Dios an gapuh nangiyatayan nan Imbabalenan hi Jesu Kristuh bahul ta'u.