Psalm 16:1 - Nan Hapit Apu Dios

¹ Hanat ipapto'a' Apu Dios te he''ay dinlo' hi mangibaliw i ha''on.

Psalm 16:1 Iomraidhean Croise

Psalm 116:6

Te boddangana nadan mahmo' an umat i ha"on an hidin mun'atte'atteya' ya inihwanga' i hiya.

Psalm 125:1

Hanadan mundinol i Apu Dios ya umatdah nan nabillid hi ad Zion an nihamad hinan nipabunana.

Psalm 146:5

Ot mipa'amlong nan tagu an hi Apu Dios an dinayaw din hi Jacob di bumodboddang i hiya ya hiyay nanongnah pundinolana.

Psalm 17:5

Ta paddungnay inunud'u nan intuddum an awon ta agge' inhinghingngi.

Psalm 17:8

Ya hanat ipapto'a' bahan an umat hi pangipapto' di manu' hinan impahna an obobana.

Psalm 22:8

On alyonda udot di, Ot tee ta'wan hi Apu Dios di nundinolam ya tanganu bo on adi da'a ihwang i hiya? Ya tanganu on adi da'a boddangan hi'on immannung an umipa'amlong'an hiya?

Psalm 25:20

He"ay ihi''uga' Apu Dios ot hanat ihwanga' ya boddangana'. Ta adim bahan iyabulut an abakona' hinadan binuhul'u.

Psalm 31:23

Ot dita'un mundayaw i Apu Dios ya hanat hiyay un'unudon ta'u ya abuh. Te ipappapto'na nadan manginaynayun an umunud i hiya Mu hanada'en hay adolday ipabaktuda ya dusaona dida an miyunnudan hinadan ina'inatday pundusana i dida.

Psalm 37:28

Te hi Apu Dios ya nunhiglay pamhodna hinadan maphod di pangatna ya na'na'unnud i hiya ya adina iwalong dida te ipapto'na didah inggana. Mu hanada'en holag nadan nibahhoy at'atonda ya lo'tat ya madadagda ta mama''idda.

Psalm 56:1

Hom'ona' bahan Apu Dios te pamaag tayyah ona' pudupudugon hinadan binuhul'u ta nunhigla tayyan ona' maligligatan

Psalm 60:1

Apu Dios, innilamin inwalong da'mi ta hiya nan na'abak ami te bimmungot'an da'mi. Mu daan mo bahan tatawwa ta ibangngadmu din maphod an niyatanmi i he"a.

Psalm 7:1

Apu Dios, he''ay paddungnay ihi''uga'. Ta ihwanga' bahan hinadan binuhul'u an mamudupudug i ha"on.

Psalm 7:2

Te onha adiya' ihwang ot ma"id ha bahhonan tiliwona' i dida ta eya' patayon ya nunggududay adol'u an umat hi pangat di layon.

Psalm 84:12

Ot hanadan mangidinol i he''a an ongal di abalinanan Dios ya mipa'amlongda.

Psalm 9:10

Ta an namin nadan immannung an nanginnilan he"a ya madinolda. Te adim iwalong nadan mumpaboddang i he"a.

Psalm 97:10

Ot da'yun naminhod i Apu Dios ya hanat idinongyu nadan adi maphod an pangatyu. Ta wan ipapto' da'yu i Apu Dios ta mihwang ayuh nadan adi maphod an aton nadan tatagun adi maphod di pangatda.

Proberbs 2:8

Te ipappapto'na nadan maphod di pangatda an nanongnan umun'unud i hiya.

2 Kulintu 1:9

Mu innila' an manu'eh na'at dadiye i da'mi ya ta wan innilaonmin mangiyukod hi nitaguwanmi i Apu Dios an mummahuh nate ta adi ami mundinol hinan abalinanmi.

2 Timothy 1:12

Ot ta'on on athituy ma'ma'at i ha''on an ongal di e' punholholtapan ya adiya' damdama bumain te innila' di a'at Apu Dios an kinulug'u. Ya madinola' boh nan abalinanan mangipadutu' i ha''on ta ingganah madatngan nan nagtud an algon punhumalyaanah tatagu.