Psalm 145:1 - Nan Hapit Apu Dios

¹ Dayawon da'a Apu Dios an na'abbaktun patul. Ya he"ay daydayawo' hi ingga'inggana.

Psalm 145:1 Iomraidhean Croise

1 Chronicles 29:13

Ot ad uwani ya munhana ami ya dayawon da'a te ma"aphod nan a'atmu an Dios an un'unudonmi.

Psalm 100:1

An namin ta'un wahtun luta ya hanat mun'am'amlong ta'u an mangit'itkuk hi pundayaw ta'un Apu Dios.

Psalm 118:28

He''a Apu Dios di daydayawo' ya he''ay punhanaa'. Ya e' ipa'pa'innila nan anabaktum an Dios.

Psalm 145:21

Ta hiya nan ha"on'e ya pohdo' an dayawon hi Apu Dios. Ot hanat athidin namin nadan limmuna an hiyay dayawondah ingga'inggana.

Psalm 146:2

Hiyay dayawo' hi ad uwanin atagu' ta ikankanta' di pundayaw'un hiya.

Psalm 149:2

Ta mun'am'amlong ta'un tinanud Israel hinan nunlumu i dita'u. Namama i da'yun nunhituh ad Zion an hanat mun'am'amlong ayuh nan balun patulyu.

Psalm 30:1

Madayaw'a Apu Dios te he"ay nangihwang i ha"on ta aggeya' nate ta aggeya' dinildilah nadan binuhul'u.

Psalm 30:12

Ta hiya nan adi mabalin hi pamaag'uy dindinong te mahapul an ikankanta' di pundayaw'u ya punhanaa' i he"a.

Psalm 30:2

Te hidin nunhigla han dogoh'u ot mumpahmo'a' i he''a Apu Dios ya impaphoda'.

Psalm 34:1

Nanongnan munhanaa' i Apu Dios hi inggana ya hanan ipabaktuwanay nanongnah haphapito'.

Psalm 44:4

He"a Apu Dios di patulmi ya Dios an dayawonmi. Ya he"ay innila' hi bumanoddang i da'mi an tatagum an tinanud Israel.

Psalm 45:1

Dakol tayyay mun'a'aphod an mipanomnom i ha''on ta hiya nan iphod'u ha mikantah nan patul. Te ha"on'e ya on'u ikanta nan pinhod'un ibaga an umat hinadan nala'ing an muntudo' an onda itudo' nadan pinhoddan ibaga.

Psalm 45:6

Ta hina'en pun'ap'apuwam an indat Apu Dios ya minaynayun hi inggana. Ya maphod di atom an mun'ap'apu te nipto' di pangatmu an ma"id ha pangipangngelam.

Psalm 5:2

Ot hanat donglom bahan tun pumpahmo'a' i he''a. Te ma"id ha udum hi bumoddang i ha"on hi'on bokon he''a an patul ya Dios an un'unudo'.

Psalm 5:3

Binigat hinan mawmawi"it on mi'hapita' i he"a. On inanuha' an hadhaddon di pambalmu.

Psalm 52:9

Ta hiya nan ma''id ha pogpog di punhanaa' i he"a. Ya namamah nan a'am'amungan nadan ibba' an tatagum.

Psalm 68:4

Ot ikantaan ta'uh Apu Dios ta dayawon ta'u hiyan paddungnay nunlugan hi bugut. Hiyay ap'apu ta'u ot hanat mun'am'amlong ta'un mundayaw i hiya.

Psalm 75:9

Mu ha''on'e ya inaynayun'u an e ipa'innila nan a'at Apu Dios. Ya ikankanta' di pundayaw'un hiya an dayawonmin tinanud Israel

Psalm 95:3

Te hi Apu Dios ya ongal di abalinana ya ma''id ha udum hi dios hi umat i hiya.

Psalm 96:2

Ta ikanta ta'uy pundayaw ta'un hiya. Ta abigabigat on ipa'innila ta'u an hiyay mangih'ihwang i dita'u.

Isaiah 33:22

Ta hiya moy patul ta'u an mangipanuh ya mamoddang i dita'u an tataguna. Ta hanada mon tugunay un'unudon ta'u.

Isaiah 38:20

Ot hanat ihwanga' i he"a Apu Dios ta mabalin an inaynayunmin mangikankanta hi pundayawmin he"a hinan Templo an unnudanmih nan harp.

Daniel 4:37

Ta hiya nan ad uwani ya ha"on an hi Nebukadnesar ya nan patul hi ad abunyan di dayawo'. Te nipto' an namin di atona ya pangatna ya abalinanan ipada"ul nadan tatagun mumbaktu.

Malakay 1:14

Ya dusao' nan tagun mangibaga hi i'nongnan ha"on nan tangbal an animalna an ma"id ha bahbahna ya indaniyot ya hanan waday bahbahnay ini'nongna i ha"on an Dios. Te ha''on an ongal di abalinanan Dios ya na'abbaktun patul ya ha''on di taktan di tataguh abobboble.

Matthew 25:34

Ya ha''on an Patul ya alyo' hinadan tataguh way winawwan'uy, Da'yun impaphod Ama ya da'yuy middum hinan pun'ap'apuwana an indadaana tuwali an nihipun hi nunlumuwanah tun luta.

Nipa'innila 19:16

Ya nitudo' hinan lubungna ya hinan ulpuna di, Patul di apatupatul ya Ap'apun di an namin an ap'apu.