Psalm 143:12 - Nan Hapit Apu Dios

¹² Ya hanat gapuh nan munnananong an pamhodmun ha''on ya dadagom nadan mi'buhul i ha"on an baalmu.

Psalm 143:12 Iomraidhean Croise

Psalm 116:16

Ha"on an baalmu Apu Dios ya munhilbiya' i he"a an umat hi inat din hi ina te inihwanga' i he"a.

Psalm 119:94

Ot ato' an namin di abalina' an mangun'unud hinadan tugunmu. He"ay ud tagun ha"on ot hanat inaynayunmun mangihwang i ha"on.

Psalm 52:5

Mu hi Apu Dios ya adi mibahhon dadagon da'a ta taynam di nunhituwam ta wan mapogpog di pi'taguwam hitun luta.

Psalm 54:5

Ot iyukod'un he''a nadan mi'buhul i ha''on ta diday a'atan hanadan adi maphod an ninomnomdan aton. Ot gapu ta he"an Dios han mabalin an pundinolan ya he"ay pangidinola' ta he"ay ukod an manadag i dida.

Psalm 54:7

Te binoddangana' hinadan punligata' ya tinigo' di na'abakan nadan mi'buhul i ha"on.

Psalm 55:23

Mu hanada'en pumapate ya kumukuluk ya adida ma'amamma on mun'a'ateda. Mu ha"on'e ya ongal di dinol'un Apu Dios.

1 Samuel 25:29

Ya ta'on hi waday umalin mamaten he"a ya hi Apu Dios an unudom di mangibaliw i he"a ta mihwang'a an umat hi pangipapto' di ohan tagu i ha na'ballol an gina'u. Ya nada'e an binuhulmu ya hi Apu Dios di ukod an mamogpog hi nitaguwanda ta umatda i ha batu an nipapan ot mipalhiit.

1 Samuel 26:10

Adim mahan patayon ot nan wadawadan Dios di ukod an mamaten hiya hinan pohdona an atayana onu hinan ena pi'gubatan ya natehdi.