Psalm 140:5 - Nan Hapit Apu Dios

⁵ Te didan munlattuwag ya paddungnay nungka''utdah bituh nadan awo' te pinhoddan mabituwa'.

Psalm 140:5 Iomraidhean Croise

Job 18:9

Ya hiya boy nahuluh nan inha"adnan hulu.

Psalm 119:110

Ya ta'on on ana''ulana' hinadan adi maphod di pangatda mu agge' damdama imbahho nadan tugunmu.

Psalm 119:69

Hanadan munlattuwag ya dakol di layah hi ipabahuldan ha"on mu hay immannung ya hanadan tugunmuy un'unudo'.

Psalm 119:85

Ya tee bo udot an ana"ulana' i dida an paddungnay manganiphoddah pumbitudan ha"on.

Psalm 142:3

Ya hi'on ma"id mo ha namnama' ya he''a Apu Dios di mangitudduh ato'. Te ta'on on idanay umaya' on waday ninomnom nadan binuhul'un aton hi panga"uldan ha"on.

Psalm 31:4

Ya hanat ihwanga' hinadan paddungnay bitun inihod nadan binuhul'un ha"on te he''a nimpe han mabalin an bumoddang i ha"on.

Psalm 35:7

Te ta'on tayyah on ma''id ha bahul'u on apyanan paddungnay ihodday tawang hinan awo' ya ayda bo nangapyah pamitudan ha"on.

Psalm 36:11

Ta adim bahan iyabulut an abakona' ta pabtikona' hinadan tatagun adi maphod di pangatda.

Psalm 43:1

Apu Dios, hanat ipa'innilam i datuwen tatagun adi mangun'unud i he"a an ma"id ha bahul'u. Ta he''ay mi'hangga i datuwen adi maphod di pangatda ta ihwanga' hinadan adi maphod an ninomnomdan aton i ha"on.

Psalm 57:6

Hanadan binuhul'u ya paddungnay binitbitday panawangdan ha''on ta hiya nan alyo' on mateya'. Ya nungka''utdah bitu ta pamitudan ha"on mu onnot on diday nabitu.

Proberbs 24:15

Adim iyunnudan hinadan adi maphod di pangatdan tatagu an eda mangmangngako hi balen nadan maphod di pangatnan tatagu ya pina"ihday nunhituwanda.

Proberbs 29:5

Nan tagun hughugnudonay ibbana ya paddungnay nangapyah hulu ta aknaana.

Jeremiah 18:18

Indani ya alyon di udum hinadan tataguy, Munnomnom ta'uh aton ta'un mangipadinong i Jeremiah. Ta'omman ot wahnada nadan padi ya propeta ya nadan nun'anomnoman an muntuddun dita'u. Ot nomnomon ta'u ha ipabahul ta'u i hiya ta adi ta'u donglon nan ibagabagana.

Jeremiah 18:20

Te undan mabalin ta nan maphod an ato' i dida ya hay ipabangngaddan ha"on ya hanan adi maphod? Mu ta'on on athidi ya nungka"utda damdamah bitu ta agaha'. Mu he"a ya innilam an ha"on di uggan mumpahpahmo' ta wan adim dadagon dida an gapuh bahulda.

Jeremiah 18:22

Ya hanat pa'ibagom an ipa'aliy mangubat i dida ta ahi madngol di ahikokogah babaleda. Te nungka"utdah pumbitudan ha"on hinan awo'.