Psalm 13:2 - Nan Hapit Apu Dios

² Nadne mahan mo tayyan ma"id ha linggop di punnomnom'u. Ta abigabigat on ona' umukayungan. Ot anuud bahan tatawwa ya ahim padinongon di pangaba'abakan nadan binuhul'u i ha"on?

Psalm 13:2 Iomraidhean Croise

Nehemiah 2:2

ta hiya nan alyonay, Hay panigo' ya adi'a mundogoh mu tanganu on matigoh angahmu an waday inomnomam? Mu gapuh takut'u ya pamaaggot dindinnongana' ni'.

Esther 7:6

Ya alyon Esther di, Ma"id ha udum hi'on bokon nan binuhulmin Judyu an adi ahan maphod di pangatna an hi Haman. Ya nangintattakut hi Haman.

Job 10:15

ta ona' punholholtapon. Mu hanadan maphod an ato' ya ma"id ha hilbinan he"a. Ta hiya tayya nan maligatana' ya bumaina' hitun nitaguwa'.

Psalm 10:18

Ya ita'dogmu dida ya ta'on on nadan nun'apuhig. Ta wan ma"id mo ha uggan e manattatakut ya mamalpaligat i dida.

Psalm 116:3

Te wada han alyo' on mateya' ta nunhiglay takut'u ya minomnomana'

Psalm 17:9

Ta ihwanga' hinadan binuhul'u an nunli'ub i ha"on.

Psalm 31:18

Ta mapogpog di eda lumayalayahan. Te nunhigla nayyay punlattuwagandan mamihupihul hinadan na'na'unud i he''a.

Psalm 38:17

Te pamaag mo ahan tayya ya aya' matumatukad. Ya hiyah tuwe an hanakitana tayyay adol'u.

Psalm 42:4

Mahkit di nomnom'u hi'on nanginomnoma' din ugganmi abulogan an ipangulu' nadan tatagu hinan pundayawan i Apu Dios an mun'am'amlong amin mangit'itkuk hi pundayawmi ya punhanaanmi i hiya.

Psalm 6:4

Gapuh nan munnananong an pamhodmu ya daan mo bahan ta paphodona'.

Psalm 7:2

Te onha adiya' ihwang ot ma"id ha bahhonan tiliwona' i dida ta eya' patayon ya nunggududay adol'u an umat hi pangat di layon.

Psalm 74:10

Ot hi anuud di pangipadinongam hi pamihupihulan nadan binuhulmin he''a? Undan iyabulutmu an panihpihullon da'ah inggana?

Psalm 74:18

Mu hanat nomnomnomom Apu Dios an ngihngihilan da'a ya panihpihhullon da'a hinadan paddungnay ma''id ha nomnomdan binuhulmi.

Psalm 8:2

Ta ta'on on nadan goggolang ya u"unga on tinudduwam dida an mundayaw i he''a an gapuh anabaktum. Ta gapuh nan ongal an abalinam ya abakom nadan binuhulmu. Ya padinongom nadan mungngohen he"a.

Psalm 9:6

Ta nama''iddan namin nadan binuhulmi. Ya ta'on on hanadan numboblayanda ta ma"id nimpe ha uggan mabong'al hi ngadanda.

Proberbs 15:13

Nan waday amlongnan tagu ya mapto' hi angahna an umat hinan umukayungan an matigon ma''id ha amlongna.

Ecclesiastes 5:17

Ya hituwen nitaguwan ta'u ya dakol di inomnoman ya punligatan ya e bumohboholan.

Jeremiah 15:18

Mu tanganu on minaynayun di punholholtapa' an nipaddung i ha hugat an ad'addi mapoyanan. Undan adiya' boddangan i he"a ta umat'ah nan wa"el onu obob an matdu' hinan tiyalgo?

Jeremiah 45:3

an alyonay, Nunlili'a Baruk an alyom di, Ngalngalam bo tayyay aton Apu Dios i ha"on ta inudmana nan nunnaud an e' inomnoman. Ta immengleya' mo tayyah nitaguwa'.

Jeremiah 8:18

Alyo' an hi Jeremiah di, Apu Dios, nunhigla mo ahan tayyay e' umukayungan hi hakit di nomnom'u.

Lamentation 1:5

Ta hay numbalin hi ap'apuda mo ya nadan binuhulda. Ta pinumhod di nitaguwan dadiyen binuhulda te inyabulut Apu Dios di punligatan nadan i Judah an gapuh nan dakol an numbahulanda. Ta inyen nimpen di binuhulda didah udum hi boble.

Lamentation 1:9

Hay a'at di numbahulanda ya mi'alig hinan inlubungda an ma'attigo mo ahan di lugitna. Mu aggeda ahan ninomnom di pumbalinan nan a'atda ta hiya nan nunhiglay eda nibabainan. Mu ma"id ha e mangipa'amlong i dida. Ot alyonda mohpe i Apu Dios di, Mahmo' ami tayya te inabak da'mih nadan binuhulmi.

Lamentation 5:20

Mu tanganu on nadney nangiwalongam i da'mi? Ot undan adi da'mi mo nomnomnomon?

Matthew 26:38

Ot alyonan diday, Nunhigla tayyan mahkit di punnomnom'u an aya' mate. Ot hanat umohnong ayu bahan ta mi'tukal ayun ha''on.

Luke 22:53

Tanganu on ad uwani ta ahiya' tiliwon an aggeya' tiniliw hidin timmanudduwa' hinan Templo? Mu ta'on te ad uwaniy nadatngan di pangatanyuh nan pohdon Satanas.

John 16:6

Te onnot boh on nan impa'innila' an eyu pumpaligatan hi udum hi algoy nomnomnomonyu. Ta hiya nan athina an on ayu umukayungan.

Roma 9:2

an nunhiglan umukayungana' an gapuh adi kumulugan nadan ibba' an Judyu

Pilipay 2:27

Ya immannung peman an na'allotan han dinggohna ta abuh ni' di atena. Mu maphod ta himmo' Apu Dios ta pinumhod ta ta'on on ha"on ya nihwanga' hi e' umukayungan i diyen e'ot ma'at i hiya.

1 Samuel 18:29

ya namamay takutnan David. Ta ninaynayun an numbalin hi Saul hi binuhul David.

1 Samuel 24:19

Te onha hay udum ot undan ihya mabalin ta inakhupana'e nan binuhulna ya ipalubusna ta ume an adina patayon? Ot hanat hi Apu Dios di munwagah i he"a hinan maphod an inatmun ha"on hi ad uwani.