Psalm 123:1 - Nan Hapit Apu Dios

¹ He''a Apu Dios an Ap'apu an wah ad abunyan di pumbagaa' hi boddang.

Psalm 123:1 Iomraidhean Croise

1 Patul 8:30

Ta donglom di dasal'u an baalmu ya hay dasal tudan tatagum an ibba' an tinanud Israel hi'on ihanggami ituwen Templo an mundasal. Ta ta'on on wahna'ah ad abunyan ya donglom bahan di pumpahpahmo'anmin he"a ya pakawanon da'mih nadan numbahulanmi.

Psalm 11:4

Mu hi Apu Dios ya wahdih ad abunyan an mun'ap'apu an uh'uhdunganan namin di tataguh tun luta.

Psalm 115:3

Hi Apu Dios an dayawonmi ya wah ad abunyan. Ya hanan pohdonan ma'at ya hiyay atona.

Psalm 120:1

Hidin maligligatana' ya numpahmo'a' i Apu Dios ya dingngolnay dasal'u ot boddangana' i hiya.

Psalm 121:1

Intangad'u'eh nangappit hinadan billid on umalih nomnom'u an i dana nin di alpuwan nan bumoddang i ha"on?

Psalm 122:1

Ma"amlonga' hidin alyon nadan tatagu di, Ume ta'uh nan Templo hi ad Jerusalem.

Psalm 124:1

Nganne nin di na'at i dita'un tinanud Israel hi'on agge dita'u binoddangan i Apu Dios?

Psalm 125:1

Hanadan mundinol i Apu Dios ya umatdah nan nabillid hi ad Zion an nihamad hinan nipabunana.

Psalm 126:1

Hidin nangibangngadan Apu Dios i dita'uh tun ad Zion hi nalpuwan ta'uh nan boblen nibaludan ta'u ya paddungnay on ta'u nun'inop.

Psalm 127:1

Ma"id ha hilbin di binlen nan mangiphod hi bale hi'on bokon hi Apu Dios di bumoddang hi iphodana. Ya hi'on bokon hi Apu Dios di mangipapto' hinan ohan boble ya ma"id ha hilbin nadan mungguwalya.

Psalm 128:1

Mipa'amlong nan tagu an mangun'unud hinadan tugun Apu Dios.

Psalm 129:1

Dita'un tinanud Israel ya nunhiglay napaligatan ta'u an nihipun hi immaliyan handidan a'ammod ta'uhtu.

Psalm 130:1

Nunhigla tayyay inomnoma' Apu Dios. Ta hiya nan mumpahmo'a' an mumpaboddang i he"a.

Psalm 131:1

Adiya' mo munlattuwag Apu Dios ya bokon mo nabaktuy punnomnom'uh adol'u. Ya adi' piliton an aton nadan adi' abalinan.

Psalm 132:1

Hanat adim bahan linglingon Apu Dios hi David an baalmu ya an namin nadan hinolholtapnan ligat.

Psalm 133:1

Nomnomnomon ta'u an mapmaphod ya umipa'amlong an tigtiggon hi'on mun'u'unnudan nadan tatagun Apu Dios.

Psalm 134:1

An namin ayun munhilbin Apu Dios an mungguwalyah nan Temploh nan mahdom ya agat dayawonyuh Apu Dios.

Psalm 141:8

Mu ha''on'e ya he''an na'abbaktun Dios di nanongnah pundinola' hi ihi"uga'. Ot hanat adim iyabulut an patayona'.

Psalm 2:4

Mu hi Apu Dios hi ad abunyan ya ngihngihilana dida i diyen ninomnomdan aton.

Psalm 25:15

Hi Apu Dios di nanongnah pumpaboddanga' ta hiyay mangibaliw i ha''on hinadan adi maphod an ma'at.

Isaiah 57:15

Hituwe boy alyon nan na'abbaktu ya wadawada an Dios an alyonay, Nan awada' ya na'abbaktu mu mabalin an mi'hituwa' bo damdamah nadan mumpada"ul ya muntutuyuh bahulda ta unudona' i dida ta way atondan mipa'amlong.

Isaiah 66:1

Hi Apu Dios ya alyonay, Hay trono' ya hi ad abunyan ya hitun lutay pangigoppa'a'. Ta adi mabalin an miha"ada' hinan inyammayu an bale.

Matthew 6:9

Ta athituy atonyun mundasal an alyonyuy, Ama an wah ad abunyan, hanat he''ay dayawon an namin di tatagu.

Luke 18:13

Mu hana'en mun'amung hi buwis an timma'dog hinan bata''ana ya inyungyungna ot pungkugakugnay palagpagna te nunhiglay puntutuyuwana an alyonay, Apu Dios, hom'ona' bahan te innila' an ongal di numbahula'.