Psalm 122:7 - Nan Hapit Apu Dios

⁷ Ot hanat malinggop ta'u nimpe an nunhitu ituwen boble an ta'on on nadan nunhituh nan palasyu.

Psalm 122:7 Iomraidhean Croise

1 Chronicles 12:18

Ya bimmikah nan Espiritun Apu Dios i Amasay an hiyay ohah nadan numbalin hi opisyal nadan tulumpulun (30) tindalun David ot alyonay, Immali amin middum hinadan tindalum ta bumoddang amin he"a David an imbabalen Jesse. Maphod ayay pumbalinam ya ta'on on nadan bumbummoddang i he"a te boddangan da'yuh nan Dios an dayawom. Ot abuluton David dida ot pumbalinona didah opisyal nadan tindaluna.

Psalm 48:13

Ta tigon ta'uy anahamad nan binattun aladna ta ahi ta'u uhuhon hinadan mun'atanudan.

Psalm 48:3

Ya ibaliwnah diyen boble ya waday linggop hidi te wahdih Apu Dios an mangipapto'.

Isaiah 54:13

Ya ha"on an Dios di manudduh nadan tatagu an miha"ad hitu ta luminggopda ya maphod di pi'taguwanda.

Isaiah 9:7

Ya ma'udman di pun'ap'apuwana ya malinggop di pi'taguwan ta'u i hiya hi inggana. Ya minaynayun an nipto' di atonan mangipanuh hi tatagu. Ta hiyay manginaynayun an mun'ap'apu hinan nun'ap'apuwan din patul an hi David. Ot hi Apu Dios an ongal di abalinana ya ipa'annungna datuwen gapuh pamhodnan dita'u.

John 14:27

Ta ta'on hi taynan da'yu ya ipalinggop da'yu damdama. Ya hituwen linggop ya na'ahammad an adi umat hinan linggop di tataguh tun luta. Ot hanat adi ayu minomnoman ya adi ayu tumakut.

James 3:18

Hanadan tatagun mangat i danae ya diday umat hinan e muntanom an ayda itanom nadan maphod an pi'hayyupandah ibbada. Ya hay ibungan dadiyen atonda ya hanadan maphod an ma'ma'at.