Psalm 121:2 - Nan Hapit Apu Dios

² Ya mipanomnom i ha"on an hi Apu Dios an nangapyah ad lagud ya tun luta di bumoddang i ha"on.

Psalm 121:2 Iomraidhean Croise

Hidin Hopapna 1:1

Hidin hopapna ya limmun Apu Dios di ad abunyan ya tun luta

Psalm 115:15

Ya hanat wagahan dita'u nimpe i Apu Dios an nunlumu hi ad abunyan ya tun luta.

Psalm 124:8

Te hi Apu Dios an nunlumuh ad lagud ya tun luta di bimmoddang i dita'u.

Psalm 46:1

Hi Apu Dios di nahamad hi ihi''ugan ya hiyay mangdat hi bikah ta'u. Ya nanongnan wadawadan bumoddang i dita'u hinadan punligatan ta'u.

Isaiah 41:13

Te ha"on an Dios an dayawonyu an mangipanapto' i da'yu ya alyo' di, Adi ayu nimpe tumakut ot boddangan da'yu i ha"on.

Jeremiah 20:11

Mu he"a Apu Dios di nanongna hi pun'ibba' an paddungnay tindalun ongal di abalinana. Ot adi mabalin hi abakona' hinadan humihiwon ha"on te diday mibabain. Ya hidiyen ibabainanda ya adi malingling hi inggana.

Hosea 13:9

Te ha"on di mabalin an bumoddang i da'yu mu din'uga' i da'yu ta hiya nan madadag ayu.

Hebrew 13:6

Ta hiya nan mabalin an mundinol ta'u i Apu Dios. Ot ta'on on nat'onat'on di ma'at i dita'u ya way ohaon alyonay, Hi Apu Dios di bumoddang i ha''on. Ot ta'on on nganney aton di tatagun ha''on ya adiya' tumakut. Te onda tagu ya abuh.