Psalm 120:4 - Nan Hapit Apu Dios

⁴ Ta paddungnay panaon da'yuh nadan nun'ahimaan an papan di panana ya bokahon da'yuh nan nangimbabbalan apuy.

Psalm 120:4 Iomraidhean Croise

Psalm 45:5

Ot agam ta oladom nadan panam ta mun'i'itbong hi puhun nadan binuhulyu ta wan abakom di abobboble.

Psalm 52:5

Mu hi Apu Dios ya adi mibahhon dadagon da'a ta taynam di nunhituwam ta wan mapogpog di pi'taguwam hitun luta.

Psalm 57:4

Lini''uba' tayyah binuhul'u an matadom di panapitda an umat hi ispada. Ya umatdah layon an mangan hi tagu an ay pahul ya papan di panay bobada.

Psalm 59:7

Ya nunhiglan mahkit ahan di panapitda an umat hinan hinalung an humugat. Te alyonday, Ta'omman ot undan waha mangmangngol hinadan ibagada.

Psalm 7:13

Ta nidadaan nimpe nadan almasna ya ta'on on nadan mundalang an papan nadan panana.

Proberbs 11:12

Nan agge nanomnoman ya ngohayonay hinaggona mu adi athidih nan nanomnoman te ono'nongonay hapitona.

Proberbs 11:18

Ya atbohdih nan adi maphod di pangatnan tagu an ma''id ha maphod hi pumbalinan di bo'laona. Mu nan mangat hinan nipto' ya waday maphod an gunggunana.

Proberbs 11:9

Ya nan hapiton nan ma"id ha pangibilangna i Apu Dios di mama"ih nan hinaggona. Mu nan nipto' di pangatna ya innilanay atona ta mihwang.

Proberbs 12:22

Nadan munlayah an tatagu ya umipabungotda i Apu Dios mu nan immannung di hapitona ya umipa'amlong i hiya.

Proberbs 16:27

Nan tagun adi maphod di pangatna ya amod on hay ena pamahbahan hi ibbana di minonomnom i hiya ya atbohdih nan hapitona an ay apuy an gumhob.

Proberbs 18:21

Te nan hapiton ya mabalin an hiyay lummuh tumaguwan onu atayan. Ot mahapul an way ohaon abulutona nan pumbalinan nan hapitona.

Proberbs 18:8

Nan e panumtumbu'an hi ibba ya hidiyey pohpohdon di tatagun donglon an ay hanan makan an maphod hi pangukmunan.

Proberbs 19:5

Nan nibahhoy puntistiguna an layah di ibagana ya madusa.

Proberbs 19:9

Nan munlayah an tistigu ya adi mibahhoy adusaana.

Jeremiah 9:7

Ta hiya nan ha"on an Dios an ongal di abalinana ya alyo' boy, Mahapul an iyabulut'uy punligatan datuwen tatagu an umat hi aton di munlutuh balitu' ta ma'aan nan adi maphod an a'atda.

Nipa'innila 21:8

Mu nadan tatagun bokon ha''on di unudonda an gapuh takutda ya nadan ma"id ha pangulugda ya nadan nagaga"ihoy ato'atonda an umat hinadan pumate ya nadan mangilo' hi bokonda ahawa ya nadan mumbuyun ya nadan mundayaw hinadan udum an dios ya nadan munlayah ya hay umayanda ya nan dammudammunan dumaladalang an asidu an hidiye nan pidwan di atayan.