Psalm 12:1 - Nan Hapit Apu Dios

¹ Apu Dios, daan mo bahan ta boddangan da'mi te tuwe mon mun'ama"id nadan mangun'unud i he"a. Ya ma"id mo ha ta'on hi oha hi mabalin an pundinolan.

Psalm 12:1 Iomraidhean Croise

Hidin Hopapna 6:12

Ta tinigon Apu Dios an ningamut an adi maphod di at'atonda te nunhiglay pangatdah nadan ibbadan tatagu.

1 Chronicles 15:21

Ya nadan mumpagangoh hi harp an miyunnudan hinan a'at di pungkantan di linala'i ya hi Mattitiah ya hi Elipelehu ya hi Mikneyah ya hi Obed-Edom ya hi Jeyel ya hi Asasiah.

Psalm 3:7

Ot agam bahan Apu Dios ta ihwanga' hinadan binuhul'u. Ta punhopwa'muy to'oda ya numpugupugmuy bobada ta wan ma''id ha atonda an mangat hi adi maphod i ha"on.

Psalm 54:1

Innila' Apu Dios an ongal di abalinam ot daan mo bahan ta ihwanga' i he"a.

Psalm 6:1

Daan mo bahan Apu Dios ta adiya' ihingal ya adiya' dusaon hinan bumungotam.

Psalm 6:4

Gapuh nan munnananong an pamhodmu ya daan mo bahan ta paphodona'.

Proberbs 20:6

Dakolday mangalih pohpohdonday ibbadan tagu mu naligat an akhupan ha taguh immannung an athidiy pangatna.

Isaiah 1:9

Mu onha nan ongal di abalinanan Dios ya adi dita'u ihwang ta ma"id ha ibatina i dita'u ot wan hay ma'at i dita'u ya umat hinan na'at hi ad Sodom ya hi ad Gomorah.

Isaiah 57:1

Ha"on an hi Isaiah ya alyo' di, Wa'et waha nate hinadan tatagu an maphod di pangatda ya tanganu on aggeyu innila an manu'eh nateda ya ta wan ihwang Apu Dios dida hinan adi maphod an ma'at.

Isaiah 59:4

Ya ma"id ha oha i da'yu hi mangibagah nan immannung an na'at hinan punhumalyaan. Ta nan munlayah di pangabakonyu. Te hay nonomnomonyu ya nan adi maphod an atonyuh nadan ibbayu.

Isaiah 63:5

Te masda'awa' hi naniga' hinadan tatagu' an ma"id ahan ha bumoddang i dida. Ta hiya nan gapuh bungot'u ya imballoh'u nan ina'inatda i dida.

Jeremiah 5:1

Alyon bon Apu Dios di, Eyu hawangon di ad Jerusalem ta tigonyu hi'on wada ni'mo ha ta'on hi ohah nadan tataguhdi hi maphod di pangatna an ha"on di un'unudona. Ta wada'e ha ta'on on oha ya mabalin an pakawano' nadan tatagu ta adi' dadagon dida.

Matthew 14:30

Mu hidin intigonah nan dalluyun an pun'ipalin nan dibdib ya timmakut. Ya mun'alnong ta muntukuk an alyonay, Apu Jesus, boddangana'.

Matthew 24:12

Ya dakolday kimmulug an mama"id di pamhoddah ibbadan tagu an gapu ta dimmakolday tatagun mangat hi adi maphod.

Matthew 8:25

ta e pumbangon mon nadan itudtuduwanan alyonday, Apu Jesus, boddangan da'mi te tee man an malnong ta'u.