Psalm 11:4 - Nan Hapit Apu Dios

⁴ Mu hi Apu Dios ya wahdih ad abunyan an mun'ap'apu an uh'uhdunganan namin di tataguh tun luta.

Psalm 11:4 Iomraidhean Croise

1 Chronicles 17:5

Te nihipun tuwalih din inikak'u nadan a'ammodyu an tinanud Israel hi ad Egypt ta ingganah ad uwani ya ma"id ha nahamad hi bale' te hay bale' hinan eyu immaninnabatan ya allung an natoldaan.

2 Chronicles 16:9

Te hi Apu Dios ya nanongnan uh'uhdungan dita'un tataguh tun luta ta pabikahona nan tagun mundinol i hiya ya hiyay un'unudona. Aggem mahan ninomnom hinaen inatmu ta hiya nan mihipun hi ad uwani ya minaynayun an waday mangubat i da'yu.

Job 24:23

Ta ta'on on alyon hi iyabulut Apu Dios an malinggop di nitaguwanda mu tigtiggona damdama nadan at'attonda.

Psalm 103:19

Te hi Apu Dios an wahdih nan tronona hi ad abunyan ya hiyay mun'ap'apu hi an naminamin.

Psalm 113:5

Ot hiya an na'abbaktun patul an wah ad abunyan ya immannung an ma''id ha nipaddung i hiya.

Psalm 139:23

Ot hanat tigom Apu Dios an namin di a'at'u ya an namin di wah nomnom'u.

Psalm 14:2

Hi Apu Dios an wah ad abunyan ya uh'uhdungan dita'un tatagu ta tigona hi'on wa ni'mo ha oha hi nanomnoman ta waday naminhodna an manginnila i hiya an Dios.

Psalm 18:6

Ya hidin nunhigla an maligatana' ot mumpahmo'a' i Apu Dios an wah ad abunyan ya dingngolnay dasal'u.

Psalm 2:4

Mu hi Apu Dios hi ad abunyan ya ngihngihilana dida i diyen ninomnomdan aton.

Psalm 33:13

Te hi Apu Dios an wah ad abunyan ya uh'uhdunganan namin di tataguh tun luta

Psalm 44:21

ya undan nin aggem na'innilaan. Innilami an ma"id ha mipa"en he"a te ta'on on tun nomnommi ya innilam.

Psalm 66:7

Ya gapuh nan ongal an abalinana ya hiyay mun'ap'apuh inggana. Ya tigtiggonan namin di ma'ma'at hi abobboble. Ot da'yun mungngohen hiya ya hanat adiyu ipatnan mi'hanggan hiya.

Psalm 9:11

Ot ikantamiy pundayawmi i he''a Apu Dios an Ap'apuh ad Zion. Ya ipa'innilamih abobboble nadan in'inatmu.

Proberbs 15:3

An namin di ma'ma'at ya tigtiggon Apu Dios ot innilana nadan mangmangngat hi nipto' ya nan adi maphod di pangatna.

Isaiah 66:1

Hi Apu Dios ya alyonay, Hay trono' ya hi ad abunyan ya hitun lutay pangigoppa'a'. Ta adi mabalin an miha"ada' hinan inyammayu an bale.

Jeremiah 17:10

Mu ha"on an Dios ya innila' di nomnom di tatagu ya an namin di at'attonda. Ta hiya nan hay idat'uh gunggunan di hinohha ya nan miyunnudan hinan pangatna.

Jeremiah 23:24

Ta hiya nan adi mabalin hi ipa"ayana' ta adi da'yu tigon. Te undan aggeyu innila an ta'on on idaanah ad lagud ya hitun luta ya wahdiya'. Ha"on an Dios di mangalin tuwe.

Mikah 1:2

Ot da'yun atagutaguh tun luta ya hanat donglonyu nan imbagan nan na'abbaktun Dios an wah nan balenah ad abunyan. Ta innilaonyu nan ipabahulnan da'yu.

Habakkuk 2:20

Mu ha"on an Dios ya wadaa' hinan bale' hi ad abunyan ot an namin ayun tataguh tun luta ya dumidinnong ayuh hinangngab'u.

Sekariah 2:13

Ot duminong ta'un namin te umalih Apu Dios an malpuh ad abunyan.

Matthew 23:21

Ya atbohdih nan tagun munsapatah nan Templo an niddum hi Apu Dios hi nunsapataana.

Matthew 5:34

Mu hay alyo' i da'yu ya wada'ey pinhodyun aton ya adi mahapul an isapatayun Apu Dios. Ya adiyu bo isapatah ad abunyan te hidiy pun'ap'apuwan Apu Dios.

Apostoles 7:49

Hi Apu Dios ya alyonay, Hay trono' ya hi ad abunyan ya hitun lutay pangigoppa'a'.

2 Tesalonika 2:4

Ya hituwen tagu ya ngohayonah Apu Dios ya ta'on on nadan udum an dayawon di udum an tatagu te alyonay ma"id ha udum hi na'abbaktu mu hiya. Ya e bo udot umbun hinan Templo hi ad Jerusalem te alyonay hiyah Apu Dios.

Hebrew 4:13

Te ma''id ha ta'on hi ohah nadan limmun Apu Dios hi adina tigon. Ot innilanan namin di nomnom ta'u ya nadan at'atton ta'u. Ta udum hi algo ya humalyaon dita'un namin an miyunnudan hinadan ina'inat ta'u ya ninomnom ta'u.

Nipa'innila 4:2

Ya gapuh nan abalinan nan Espiritun Apu Dios ya na'ibagaa' an wah ad abunyan. Ya anakkaya an wahdi han trono an wahdi han inumbun