Psalm 10:1 - Nan Hapit Apu Dios

¹ Apu Dios, tanganu on'a immadawwi i ha''on? Ta adiya' hanguton i he"a hi ad uwanin maligligatana'.

Psalm 10:1 Iomraidhean Croise

Job 13:24

Ta adiya' bahan iwalong. Ya adiya' ibilang hi binuhulmu.

Job 23:9

Ya atbohdin ta'on on ipluy'uh nangappit hi huddo'na onu hi nangappit hi muyyadna ya adi' damdama akhupan hiyahdi.

Job 34:29

Mu onha namaag ya dindinnongan ot ma"id ha kalebbengan di tagun mamihul i hiya. Ya onha alyon di e mipa''eh Apu Dios ot nganney mabalin di tagu? Mu ta'on on athidi ya hiya damdamah diyen hiyay mun'ap'apu hi atagutagu ya an namin an wahtun luta.

Psalm 22:1

Apu Dios, tanganuna' ahan ingnganuy? Ta hay punli'na' tayya ya na'iddawwi'a ta adim dongdonglon di palak'u. Ya tanganu bahan ona' adi boddangan i he"a?

Psalm 27:9

Ot hanat adiya' bahan iwalong an baalmu ta adi gapuh bungotmun ha''on ya inganuya' te he''a damdama Apu Dios an mangih'ihwang i ha"on di innila' hi nanongnah bumoddang i ha''on.

Psalm 30:7

Hidin binoddangana' i he''a Apu Dios ya umata' hinan nahamad an billid. Mu hidin aya' inwalong i he"a ya nunhiglay takut'u.

Psalm 44:24

Ot undan bahan he"a'e ya mundindinnol'a i ha athitu an tigom'e tayyan munholholtap ami

Psalm 44:25

an paddungna tayyay nun'ihuhubag ami ya adimi abalinan an bumangon.

Psalm 46:1

Hi Apu Dios di nahamad hi ihi''ugan ya hiyay mangdat hi bikah ta'u. Ya nanongnan wadawadan bumoddang i dita'u hinadan punligatan ta'u.

Psalm 88:14

Mu tanganu ona' ingnganuy ta adim ahan donglon di dasal'u?

Jeremiah 14:8

Te an namin di napatnaanmi an tinanud Israel ya he"a ya ammunay bimmanoddang i da'mi. Mu tanganu on ad uwani ya ay da'mi agge innila ta nipaddung'a i ha mangili an nun'iyan i ha ohay hilong ya abuh?

Jeremiah 14:9

Te undan aggem innilah tuwen na'at i da'mi? Ya undan ma"id ha abalinam an mangihwang i da'mi an ta'on on'a wahtuh tun boblemi? Da'mi nan nibilang hi tatagum ot hanat adi da'mi bahan inganuy.