Proberbs 4:1 - Nan Hapit Apu Dios

¹ Da'yun imbabale' ya igongahanyu tun tugun'un hi amayu. Ta ihamadyun donglon ta wan manomnoman ayu.

Proberbs 4:1 Iomraidhean Croise

Hidin Hopapna 49:2

Ta na'amungda ot alyonan diday, Aga ta ma'amung ayun imbabale' ta donglonyu tun ibaga' an hi amayu.

Psalm 34:11

Ot da'yun imbabale', hanat igongahanyu ta itudtudu' di atonyun mangun'unud i Apu Dios.

Proberbs 1:2

Datuwen tudtudu ya ipa'innilanay aton ta'un manomnoman ya matugun ta maphod di pangat ta'u ya atbohdin bumoddang hi panginnilaan ta'uh nadan tudtudun naligat an ma'awatan.

Proberbs 1:8

He''an imbabale' ya ihamadmun unudon nan tugun da amam i inam.

Proberbs 13:1

Nan nanomnoman an imbabale ya wa'e ta ihingal nan hi amanah nan nibahhawana ta atugunana ya donglona. Mu nan ma'ammahiw ya adina donglon di pangihingaldan hiya.

Proberbs 19:20

Nan tagun donglonay tugun ya pohdonan matudduwan ta lo'tat ya manomnoman.

Proberbs 22:17

Hay maphod ya igongahanyu nadan tugun nadan nun'anomnoman ta hiyay adalonyu

Proberbs 5:1

Imbabale', igongaham tun tugun'u ta hiyay nomnomnomom

Proberbs 7:4

Ibilangmuh ay hi ibbam onu gayyum hanan tugun an mangdat hi anomnoman.

Jeremiah 35:8

Ta hiya nan da'min himpamu'un ya inun'unudmi danaen intugun apumi an hi Jonadab. Ta an namin ami an ta'on on nadan ahawami ya imbabalemi an linala'i ya binabai ya adi ami uminum hi bayah.

Hebrew 2:1

Mahapul an nan dingngol ta'un tugun Jesus di ihamad ta'un unudon. Te onha mungngannungannuy ta'un mangunud ot undan adi lo'tat ya malingling dadiyen tugun?