Proberbs 24:26 - Nan Hapit Apu Dios

²⁶ Nan tagun immannung di pambalnah nan waday mibaga i hiya ya hidiyey panginnilaan an nahamad hi gayyum.

Proberbs 24:26 Iomraidhean Croise

Job 6:25

Nan panugun di ohan tagun maphod di pangatna ya mahkit hi e pangngolan. Mu adi athidih nadan ibagabagayu te ma"id ha hilbina te agge immannung.

Proberbs 15:23

Nan tagun maphod di pambalnah nan mahmahanda ya waday amlongna an namamah on waday iboddangnah nan nangngol.

Proberbs 16:1

Hay tagu ya mabalin an hiyay munnomnom hi atona. Mu gahin di hi Apu Dios damdamay mangiyabulut ya ahi mipa'annung.

Proberbs 24:25

Mu nan nipto' di punhumalyana an alyonay numbahul nan nangat hi bahul ya hiyay mawagahan ya ta'on on nadan tatagu ya hiyay piyalonda.

Proberbs 24:27

Hay mamanguluh atom ya tigom ta waday bumo'laam ya indadaanmu nan puntanoman ta waday itanudmu ya ahim mohpe iyamma ha punhituwam.