Proberbs 23:11 - Nan Hapit Apu Dios

¹¹ Te hay nahamad hi mangihakit i dida ya hi Apu Dios ot hiyay mangiballoh i da'yu.

Proberbs 23:11 Iomraidhean Croise

Job 19:25

Innila' ot matagu nan mangihwang i ha"on ya udum hi algo ya ita'doga' i hiya.

Psalm 12:5

Mu alyon Apu Dios di, Tinigo' di na'na'at hinadan nun'awotwot. Ya dingngol'uy pumpahmo'an nadan tatagun napaligat hi nangat nadan tatagun adi maphod di pangatda i dida. Ta hiya nan ad uwani ya ihwang'u dida te hituwey hihimlondah ma'at.

Psalm 68:6

Te hiyay mangidadaan hi punhituwan nadan minomnoman an ma"id ha pamilyada. Ya mun'am'amlong nadan nibalud te ibulusna dida. Mu hanada'en mungngohen hiya ya ipiyena didah nan na'appudut an agge naboblayan.

Proberbs 22:23

Te hi Apu Dios e di mabaal ya dusaonah ate nadan mamloh nadan nabalol an wadah nadan nun'awotwot.

Proberbs 23:12

Ya ihamadyun igongahan nan mituddun da'yu ta inhamadyun adalon nadan mabalin an adalonyun diye.

Jeremiah 51:36

Ta hiya nan ha"on an Dios ya alyo' hinadan i Jerusalem di, Nomnomnomonyu an ita'dog da'yun tatagu' ta nan inatdan da'yu ya iballoh'uh nadan i Babilon. Ta putato' nadan wangwang ya minagana' nadan obob hi bobleda.

Deuteronomy 27:19

Ya alyonyu bon tinanud Libay di, Madusa nan tagun mungkuluk hinadan ni'iboblen dita'u onu nadan nun'apuhig onu nadan nun'abalu. Ya tobalon nadan tatagun alyonday, Hiya peman.