Proberbs 20:8 - Nan Hapit Apu Dios

⁸ Wa'et nan patul di mangipanuh hinadan tatagu ya innilana nan maphod di at'atona ya nan adi.

Proberbs 20:8 Iomraidhean Croise

2 Samuel 23:4

Ta nan athidi an patul ya umat hinan potang hinan mawi"it an ma"id ha bugutna. Ya umat boh nan naptangan an holo' hinan hiyah inugona nan udan.

1 Patul 7:7

Ot iyammana nan kuwartun awadan nan tronona an hay ngadana ya Kuwartun Punhahapitan. Ta hidiy pangihahapitanda hi'on waday mipanuh an mihahapit. Ya na'oddahan an namin hi sedar di dotalna ta ingganah nan bubidana.

Psalm 72:4

Te boddangana nadan maligatan ya nadan nun'awotwot. Ya dusaona nadan tatagun mamalpaligat hi ibbada.

Psalm 92:9

Ta ma"id ha bahhonan abakom nadan binuhulmu an adi maphod di pangatda ta miwakatda.

Psalm 99:4

Ya ongal di abalinana ya ongal di naminhodna hinadan maphod an ma'ma'at. Ya hiyay nangitudtudu hinadan maphod an pangat i dita'un tinanud Israel.

Proberbs 16:12

Nadan patul ya adida pohdon nan adi maphod an pangat te hay pumbikah di pumpapto'anda ya nan nipto' an pangat.

Proberbs 20:26

Nan nanomnoman an patul ya innilanah on nganne nadan adi maphod di pangatda ya dusaona dida an ma''id ha homo'na.

Proberbs 25:5

Ot athidih nan patul an gahin di aanona nadan nibahhoy itugunda ya ahi pumhod nan pun'ap'apuwana.

Proberbs 29:14

Nan ap'apu an mangita'dog hinadan nun'awotwot ta adida makuluk ya madney pun'ap'apuwana.

Isaiah 32:1

Nomnomnomonyu an wada han ahi mumpatul an nipto' di pangatna ya atbohdih nadan bumoddang i hiya an mun'ap'apu an nipto' boy pangipanuhdah tatagu.

Matthew 12:30

Ot ipa'innila' teen nan adi umunud i ha''on ya hiya nan mi'buhul i ha''on. Ya nan adi bumoddang an mangipa'innilah a'at'u ya hiyay mangiyadawwih nadan tatagu i ha''on.