Proberbs 15:23 - Nan Hapit Apu Dios

²³ Nan tagun maphod di pambalnah nan mahmahanda ya waday amlongna an namamah on waday iboddangnah nan nangngol.

Proberbs 15:23 Iomraidhean Croise

Job 6:25

Nan panugun di ohan tagun maphod di pangatna ya mahkit hi e pangngolan. Mu adi athidih nadan ibagabagayu te ma"id ha hilbina te agge immannung.

Proberbs 12:14

Te hay midat hi hinohhan tagu hi ayna gungguna ya nan miyunnudan hinan hapitona ya pangatna.

Proberbs 12:25

Nan inomnoman ya ma"idonay amlong mu nan maphod an hapiton hi ibba ya umipa'amlong.

Proberbs 15:22

Nan tagun donglonay maphod an tugun nadan nun'anomnoman ya maphod di pumbalinan nan ninomnomnan aton mu nan adina donglon di tugun nadan nanomnoman ya adi maphod di pumbalinan nan ninomnomnan aton.

Proberbs 16:13

Ya hay umipa'amlong i dida ya nan tagun immannung di hapitona.

Proberbs 16:24

Nan ma'ulen hapit ya mi'alig hinan danum di iyukan an maphod hi pangngolan ya ipaphodnay punli'na.

Proberbs 24:26

Nan tagun immannung di pambalnah nan waday mibaga i hiya ya hidiyey panginnilaan an nahamad hi gayyum.

Ecclesiastes 3:1

An namin di ma'ma'at hitun luta ya waday nagtud tuwalih a'atanda.

Isaiah 50:4

Nan na'abbaktun Dios di mangituddu i ha"on an baalna hinan nipto' an alyo' ta mabalin an pa'amlongo' nadan umukayungan. Ya bangonona' hi amawimawi"it ta donglo' nan pohdona an ituddu i ha"on.

John 1:37

Ta on dingngol dadiyen duwa nan inalin John ot taynandah John ot miyunuddan Jesus.

John 11:29

Ya natanna'dog hi Mary ot mangen ena damuwon da Jesus

Epesus 4:29

Ya hanat ma"id ha ibaga ta'uh adi maphod hinadan ibba ta'u ta hanadaot an waday iboddangnah nadan mangngol di ibaga ta'u.