Proberbs 12:18 - Nan Hapit Apu Dios

¹⁸ Wadaday udum an tatagun ay matadom an hinalung di hapitondan humugat. Mu nan hapiton nan immannung an nanomnoman ya ay agah an waday iboddangna.

Proberbs 12:18 Iomraidhean Croise

Psalm 52:2

Te on hay atom an mamahbah hi ibbam an tagu di nun'onan hi nomnommu. Ta matadom di panapitmu ya na'la''ing'an mangap'apyah layah.

Psalm 57:4

Lini''uba' tayyah binuhul'u an matadom di panapitda an umat hi ispada. Ya umatdah layon an mangan hi tagu an ay pahul ya papan di panay bobada.

Psalm 57:5

Mu hanat mipatigo nan abalinam Apu Dios hi ad lagud ya hitun luta. Ta wan he"ay dayawon di tataguh tun luta.

Psalm 59:7

Ya nunhiglan mahkit ahan di panapitda an umat hinan hinalung an humugat. Te alyonday, Ta'omman ot undan waha mangmangngol hinadan ibagada.

Psalm 64:3

Te matadom di panapitda an umat hinadan ispada onu pana.

Proberbs 12:17

Nan maphod an muntistigu ya nan immannung di ibagana ta nalakan ma'innilaan nan bimmahul ta hiyay madusa. Mu nan munlayah an tagu ya layah boy puntistiguna.

Proberbs 13:17

Hi'on nan ma'layyah an tagu di honagon ta hiyay e mi'hapit ot mamaman ma''id ha dumhana. Mu nan tagun mabalin an pundinolan ya innilanay atonan mangipanuh hi way mihahapit.

Proberbs 15:4

Nan ma'ulen hapit ya paddungnay bungbunga"an an mangdat hi itaguwan. Mu nan hapiton an adi maphod ya umipahakit hi nomnom.

Proberbs 15:7

Nan hapiton nan nanomnoman an tagu ya waday ma'adal mu adi athidih nan hapiton nan paddungnay ma"id ha nomnomna.

Proberbs 16:24

Nan ma'ulen hapit ya mi'alig hinan danum di iyukan an maphod hi pangngolan ya ipaphodnay punli'na.

Proberbs 25:18

Nan agge immannung an ipabahul di ohan tagu ya dumadag hi ibba an umat hinan hinalung onu nan matadom an pana.

Proberbs 4:22

Te nan tagun mangun'unud i datuwen tugun ya nanongnan maphod di pi'taguwana ya pumhod di li'nan di adolna.

Daniel 11:33

Te nadan mangun'unud i Apu Dios ya diday nanomnoman ta itudduwanday dakol hinadan tatagu. Mu dakol i diday mateh gubat ya nadan udum ya gobhonda ya nadan udum ya mabaludda ya pulhonday gina'un di udum.

Nipa'innila 1:16

Ya waday pitun bittuwon an inodnan di winawwan an ta'lena. Ya wada han ma'taddom an hinalung an nalpuh to'ona. Ya humiliy angahna an umat hinan algo hi'on nangimpopotang.

Nipa'innila 22:2

Ya nundalan hi gawwan nan kalata. Ya hidih nan numbinahhel an da'ging diyen wangwang ya wadaday kayiw an ma'alih kayiw an mangdat hi itaguwan. Ya dadiyen kayiw ya mumpipulut duway (12) bumungaandah nan hintawon te abulabulan on bimmungada. Ya hanada'en tubuda ya hidiyey mangipaphod hinadan tataguh abobboble.