Proberbs 10:32 - Nan Hapit Apu Dios

³² Nan hapiton nan tagun nipto' di pangatna ya waday iboddangnah nan mangngol mu nan tagun adi maphod di pangatna ya bumahbah nan hapitona.

Proberbs 10:32 Iomraidhean Croise

Proberbs 11:11

Nan ohan boble ya mabalin an pumhod an gapuh dasal nadan tatagun nipto' di pangun'unudda. Mu hay lummuh adadagan di ohan boble ya nan hapiton nadan nunhituhdin adi maphod di pangatda.

Proberbs 12:18

Wadaday udum an tatagun ay matadom an hinalung di hapitondan humugat. Mu nan hapiton nan immannung an nanomnoman ya ay agah an waday iboddangna.

Proberbs 12:6

Te hay atona ya ibaganay layah ta pamatayanah nan ibbana. Mu nan maphod an tagu ya nan bumoddang hi ibbanay ibagana.

Proberbs 15:2

Nan nanomnoman an tagu ya dakol di ma'adal hinan ibagana. Mu nan paddungnay ma"id ha nomnomnan tagu ya ma''id ha hunung nan hapitona.

Proberbs 15:28

Nan maphod di pangatnan tagu ya an namin di mibagan hiya ya nomnomnomona ni' on ahina tobalon. Mu nan adi maphod di punnomnomna ya namaagnah hapit ta hiya nan waday adi maphod hi hapitona.

Proberbs 2:12

Ta nan em anomnoman di mangihwang i he"ah nadan at'atton nadan adi maphod di pangatda an tatagun bumahbah di hapitonda.

Proberbs 4:24

Ta adim goton an hapiton di layah ya nan kumpulnan lummuh abaliyan di ibbam an tagu.

Proberbs 6:12

Nan adi ahan maphod di nomnomnan tagu ya amod on nan layah di ena hapihapiton

Ecclesiastes 10:12

Hanan tugun nan nanomnoman ya hidiyey pamemanandan hiya mu hanan hapiton nan paddungnay ma"id ha nomnomnan tagu ya hidiyey manadag i hiya

Ecclesiastes 12:10

Ot ada'adalo' on nganne nan nadadawoh an pangibaga. Ya immannung an nipto' datuwen intannudo"u.

Daniel 4:27

Ot hiya nan maphod di donglom tun itugun'un he"a an patul ta idinongmun bumahubahul ta nan nipto' di atom. Ya hom'om nadan mapalpaligat ta wan minaynayun di pumhodam.

Titus 2:8

Ta maphod an namin di hapitom ta ma''id ha pamihulan nadan tatagun agge naminhod ituwen tudtudun unudon ta'u ta alinah bumainda.