Proberbs 10:3 - Nan Hapit Apu Dios

³ Hi Apu Dios ya adina iyabulut an ma'agangan nan tagun maphod di pangatna mu nan adi maphod di pangatnan tagu ya adina idat nan gagamgamana.

Proberbs 10:3 Iomraidhean Croise

Job 15:23

Te innilanan agagga moy atayana ya alina ya anon di gayang di adolna.

Job 20:28

Ta gapuh bungot Apu Dios ya paddungnay ipa'alinay udan ta dumakol di liting ya inyanudnay balena.

Job 5:20

Ta ta'on on waday bitil ya adi ta'u iyatey inagang ta'u. Ya atbohdih on waday gubat an mihwang ta'u.

Psalm 10:14

Mu innila' an tigtiggom di punholholtapan nadan udum an tatagu. Ya he''a han dinlonda an bumoddang i dida te he''a han mabalin an mangita'dog hinadan nun'apuhig.

Psalm 112:10

Mu hanada'en adi maphod di pangatda ya nunhiglay hihiwodan hiya. Ta mun'iti'itibda te adi ma'at nadan pohdonan ma'at.

Psalm 33:19

Ta ihwangna didah ate. Ya ta'on on waday bitil ya taguwona dida.

Psalm 37:19

Ta ta'on on hinan timpun punligatan di tatagu an umat hi bitil ya adida mapuhan hi mahapulda.

Psalm 37:25

Ya teen na'amammaa' mo ya ma''id ha tinigo' hi tagun mangmangngat hinadan miyunnudan hinan pohdon Apu Dios ya inwalongna. Ya ta'on on hanadan i'imbabaleda ya aggeda e immodo'odoh anonda.

Psalm 37:3

Hi Apu Dios ot eh'ay pundinolanyu ya hanadan maphod di atonyu ta wan malinggop di pi'taguwanyuh nan boblen indatnan da'yu.

Proberbs 13:25

Nan tagun nipto' di pangatna ya adi makulangan hi anona. Mu nan adi maphod di pangatna ya makulangan hi anona.

Proberbs 14:32

Nan tagun adi maphod di at'atona ya hidiyen at'attonay manadag i hiya. Mu nan nipto' di pangatnan tagu ya ta'on on alinah mate ya waday dinolnah nan pangipapto' Apu Dios i hiya.

Proberbs 28:25

Nan ma'a'ungnguh an tagu ya hiyay lummuh punhahannuwan. Mu nan tagun hi Apu Dios di nanongnah pundinolanah nan mahapulna ya hiyay pumhod.

Proberbs 28:9

Hi'on adim unudon nan tugun Apu Dios ya ta'on on nadan dasalmu ya nunhiglan umipabungot i hiya.

Isaiah 33:16

Ya malinggop di nitaguwanda ta paddungnay nihawan ha doplah hinan bobleda ya nanongnan waday anondah ya inumondahdi.

Sepaniah 1:18

Ya i diye ya ma"id ha hilbin nadan balitu' ya silberda te adida abalinan an mangihwang i dida hinan nunhiglan bungot'u te bokon ha"on ya abuh nimpe di dinayawda. Ta mamingpinghan an pogpogo' an namin di wah tun luta.

Luke 12:31

Haot eh'ay nonomnomonyu ya hay atonyun middum hinan pun'ap'apuwan Apu Dios. Ot hiyay ukod hinadan mahapulyu.