Proberbs 10:1 - Nan Hapit Apu Dios

¹ Datuwe nadan udum an tugun Solomon. Nan nanomnoman an imbabale ya umipa'amlong hinan hi amana mu nan paddungnay ma''id ha nomnomna ya hiyay gapunah inomnoman nan hi inana.

Proberbs 10:1 Iomraidhean Croise

1 Patul 4:32

Ya waday intudo'na an tuluy libun (3,000) tugun di nanomnoman ya nahuluk hi hinlibu ta han limay (1,005) kanta.

Proberbs 1:1

Datuwe nadan maphod an tudtudun Solomon an imbabalen David an patul ni' nadan tinanud Israel.

Proberbs 13:1

Nan nanomnoman an imbabale ya wa'e ta ihingal nan hi amanah nan nibahhawana ta atugunana ya donglona. Mu nan ma'ammahiw ya adina donglon di pangihingaldan hiya.

Proberbs 15:20

Nan nanomnoman an imbabale ya waday pun'amlongan nan a'ammodnan hiya. Mu nan paddungnay ma"id ha nomnomna ya pihulonay a'ammodna.

Proberbs 17:21

Nadan nangimbabale hinan muntalungango ya ongal di inomnomanda ta ma''id ha amlongda.

Proberbs 17:25

Nan muntalungangon imbabale ya hiyay lummuh umukayungan nan hi amana ya hay inomnoman nan hi inana.

Proberbs 19:13

Nan imbabalen paddungnay ma"id ha nomnomna ya bumahbah hinan a'ammodna. Ya nan ahawan babain nangodowan ya umipahigan ay lomlom.

Proberbs 25:1

Datuwe boy udum hi imbagabagan Solomon an impitudo' din patul an hi Hesekiah hinan bobleh ad Judah.

Proberbs 27:11

Imbabale', maphod on manomnoman'a ta pa'amlongona' ta wan waha pambal'uh nan mamihul i ha''on.

Proberbs 29:15

Nan panuplitan hinadan u''unga ta atugunanda ya bumoddang hi anomnomanda mu nan unga an adida pahiwon ta ukod i hiyah nan pinhodna ya lo'tat ya hiyay lummuh ibabainan nan a'ammodna.

Proberbs 29:17

Gahin di tugunom nan imbabalem ya ahi'a madinol an atona nan umipa'amlong i he''a.

Proberbs 29:3

Nan tagun pohdonan manomnoman ya ongal di pun'amlongan nan a'ammodna. Mu nan tagun hanan mabayadan an binabaiy ena i'uyu'uyugan ya upuhonay pihhuna.

Ecclesiastes 12:9

Ha"on an manudtudu ya nala'inga' ta dakol di intanudtudu' hinadan tatagu. Ya datuwen imbagabaga' an tugun ya inhamahamad'un inada'adal ot ipaphod'uy dakol i datuwe.

Ecclesiastes 2:19

Ya nganney nanginnila hi'on nan mihukkat ya maphod di pangatna onu adi maphod. Mu ta'on on nganney a'atna ya hiya damdamay mamoltan hinadan nablaya' an innila' an gapuh la'ing'u ya inat'un namin dadiye. Ot nganne mahan di hilbin dadiyen e' imbolabolayan.