Proberbs 1:28 - Nan Hapit Apu Dios

²⁸ Ya mumpaboddang ayu mohpe i ha"on mu adi da'yu tobalon an ta'on on adi ayu mangmanghop an e manama' i ha"on mu adi ayu pa'ahamma' i ha"on.

Proberbs 1:28 Iomraidhean Croise

Hidin Hopapna 6:3

Ta inalin Apu Dios di, Nan Espiritu' ya adi mabalin an minaynayun an middum i dida te waday apogpogan di adolda. Ta hiya nan mi'taguda mo hi inggana hi hinggahut ta baintiy (120) tawon ya abuh.

Job 27:9

Ya dumatong'ey punligatanda ya adi donglon Apu Dios di dasalda.

Job 35:12

Mu ta'on damdamah on mumpaboddangda ya adi tobalon Apu Dios di dawaton nadan munlattuwag ya nadan adi maphod di pangatda.

Psalm 18:41

Ta mumpahpahmo'da an mumpaboddang mu ma''id ha bumoddang i dida. Ya ta'on on he"a an Dios ya aggem binoddangan dida.

Psalm 18:42

Ta numpate' nimpe dida an paddungnay nuntogtog'u dida ta ingganaot mumbalindah ay hupu' ot pun'igatin'u dida ta numbalindah ay pito' hinan kalata.

Psalm 66:18

Mu onha agge' imba"ag nadan numbahula' i hiya ot wan aggena dingngol di dasal'u.

Proberbs 15:29

Hi Apu Dios ya donglonay dasal nan nipto' di pangatnan tagu. Mu du'gona nan tagun adi maphod di pangatna.

Proberbs 8:17

Ha"on an hi anomnoman ya pohpohdo' nadan naminpinhod i ha''on. Ot nan adi mangmanghop an manama' i ha''on ya akhupana'.

Kantan Solomon 5:6

Mu hidin imbughul'u ya ma"id mon imme. Ta nunhiglan mahkit di nomnom'u. Ta mungkaliya' mu ma''id ha tumbal. Ot ipatna' an e hama'on mu ma''id ha hinama"un hiya.

Isaiah 1:15

Ta ta'on hi itaggeyuy ta'leyu ya dinukkedukkeyuy dasalyu ya adi' damdama donglon. Te paddungnay nalamuy ta'leyuh dalan di tatagun pinatepateyu.

Jeremiah 11:11

Ta hiya nan ipa'ali' di nunhiglan manadag hinadan i Judah ta ma"id ha mihwang i dida. Ta hay a'atan nae ya kumgadan mumpaboddang i ha"on mu adi' hanguton dida.

Jeremiah 14:12

Te ta'on on nan pun'ulatanda ya adi' donglon di pumpahmo'anda. Ya ta'on on mangi'nongdah maghob an mi'nong ya mangidawatdah makan i ha"on ya adi' damdama abuluton. Mu onnot on dadago' didah gubat ya bitil ya nalot an dogoh.

Ezekiel 8:18

Ta hiya nan ahida li'naon di bungot'u. Te adi' hom'on dida an ta'on on itkukdan mumpahpahmo' i ha"on.

Hosea 5:15

Ya taynan da'yu i ha"on ta inggana hi muntutuyu ayuh nan numbahulanyu. Ta mumpahpahmo' ayu mohpe an mumbagah boddang i ha''on an gapuh nan holholtaponyu. Ya hapulona' mohpen da'yu.

Hosea 5:6

Ot ta'on on i'nongyuy baka onu kalnero i ha''on ya ma"id ha hilbina te adi' abuluton te inwalong da'yu mo nimpe i ha''on.

Amos 8:12

Ta hidiye nan ahi munhawwangan di tataguh abobboblen munhapul hi humapita' mu ma"id.

Mikah 3:4

Ya dimmatong'e mohpey ligatyu on ahi ayu mumpahpahmo' i Apu Dios ta boddangan da'yu. Mu adi da'yu donglon i hiya an gapuh nan adi ahan maphod an pangatyu.

Sekariah 7:13

Ot gapu ta adida donglon di ibaga' ya agge' mo damdama dingngol di dasalda.

Deuteronomy 1:45

Ot ahida ibangngad ot kumgadan mumpaboddang i Apu Dios mu aggena timbal.

James 4:3

Ya ta'on boh on hiyay pangibaganyu ya adina idat te adi maphod di ninomnomyuh pangiyatanyu an hanan pun'amlonganyu ya abuh di nomnomnomonyu.

1 Samuel 8:18

Ot madatngan'eh diye an pumpaligatanyuh pangat tuwen piliyonyun patul ya ta'on on ayu mohpe mumpahpahmo' i Apu Dios an mumpaboddang ya adi da'yu mo donglon i hiya.