Lamentation 3:56 - Nan Hapit Apu Dios

⁵⁶ Ta inali' i hiya di, Hom'ona' bahan. Ya timbalna

Lamentation 3:56 Iomraidhean Croise

2 Chronicles 33:13

Ta nundasal i Apu Dios ya dingngolnay pumpahpahmo'ana ot pumbangngadonah ad Jerusalem ya ta'on on nan sa'adna. Ta hidiyey nanginnilaana an hi Apu Dios ya abuh di immannung hi madayaw.

2 Chronicles 33:19

Ta nitudo' nimpe nan dasalna ya nan inat Apu Dios an nambal i diyen dasalna ya ta'on on nadan numbahulana ya nan aggena nangun'unudan i Apu Dios ya hay nangiyammaanah pundayawanda hinadan dios di udum an tatagu ya hay nangipiphodanah nadan pusti an mangita'dog i Aserah ya nadan impiyammana an bulul.

Job 34:28

Ya nunhiglay namalpaligatdah nadan nun'awotwot ta dingngol Apu Dios nan pumpahmo'andan hiya.

Psalm 3:4

Ot ta'on on wada'ah nan nabillid an niyappit i he"a ya mundasala"e an mumpaboddang ya tobalom di dasal'u.

Psalm 34:6

Umat i ha''on an hidin numpahmo'a' i Apu Dios ya binoddangana' i hiya hinadan punligata'.

Psalm 5:2

Ot hanat donglom bahan tun pumpahmo'a' i he''a. Te ma"id ha udum hi bumoddang i ha"on hi'on bokon he''a an patul ya Dios an un'unudo'.

Psalm 5:3

Binigat hinan mawmawi"it on mi'hapita' i he"a. On inanuha' an hadhaddon di pambalmu.

Psalm 55:1

Donglom bahan Apu Dios tun dasal'u

Psalm 55:18

Ta ihwanga' hinadan e' pi'gubatan an ta'on on dakolday mi'buhul i ha"on.

Psalm 55:2

ta boddangana' te agge' innila tayyay ato' ta on ma'ab'abuliduwa'.

Psalm 66:19

Mu innila' an dingngolna nan dasal'u ot boddangana'.

Isaiah 38:5

Mumbangngad'ah awadan Hesekiah ta alyom i hiya di, Hi Apu Dios an dinayaw din hi apum an hi David ya dingngolnay dasalmu ya tinigonay limmuwaam. Ot nomnomnomom an udmana anuy pi'taguwam hi himpulut limay (15) tawon.

Daniel 9:17

Ot donglom bahan Apu Dios tun dasal'u an baalmu. Ta ipatigom di pangibilangmuh nan nadadag an Templom ta wan innilaon di tatagu an he"ay nahamad hi ma'unud.

Roma 8:26

Ya hay bumoddang i dita'uh nan panpannodan ta'u ya nan Espiritun Apu Dios. Te dita'u ya nakapuy ta'u an ta'on on nan pundasalan ta'u ya agge ta'u innilay maphod hi ibaga ta'un Apu Dios. Mu nan Espirituna ya hiyay mangibaga i hiya an namamah nan e ta'u inomnoman an adi ta'u pi'ibagga.