Lamentation 3:26 - Nan Hapit Apu Dios

²⁶ Ot maphod on anusan ta'un mannod hinan boddang Apu Dios.

Lamentation 3:26 Iomraidhean Croise

Hidin Hopapna 49:18

Ot inayun Jacob an mundasal an alyonay, He''a Apu Dios di pangidinla' hi managun da'mi.

2 Chronicles 20:17

Mu bokon nimpe dita'uy mi'gubat. Ta hay aton ta'u ya namaag ya timma'dog ta'uh nan umohnongan ta'u ta tigon ta'uy pangabakan Apu Dios hinadan binuhul ta'u. Ot hanat adi ta'u nimpe tumakut ya adi ta'u umukayungan. Ta hi bigat ya imme ta'u ot hi Apu Dios ya wada an mamoddang i dita'u.

Psalm 119:166

Ot madinola' an manmannod hi em pangihwangan i ha"on. Ya inaynayun'un unudon nadan tugunmu.

Psalm 119:174

Ot madinola' an ihwanga' i he''a Apu Dios te hay pun'amlonga' ya hay pangunuda' hinadan tugunmu.

Psalm 130:5

Ot madinola' Apu Dios an manmannod hi pamoddangam i ha''on te mundinola' hinan hapitmu.

Psalm 37:34

Ot hanat hi Apu Dios di nanongnah pundinolan ta'u. Ya nadan tugunay un'unudon ta'u ta dita'uy pangdatanah tun boble ta'uh inggana. Ya akhupan ta'uy panadaganah nadan adi maphod di pangatda.

Psalm 37:7

Ot hanat adi ayu nimpe numanomnom. Ta pamaag ya nundinol ayun Apu Dios ta ukod i hiyah nan nitaguwanyu. Ta adi ayu umamoh hi e kimmadangyanan nadan udum an tatagu an ta'on on hanadan e kumulukuluk.

Psalm 52:9

Ta hiya nan ma''id ha pogpog di punhanaa' i he"a. Ya namamah nan a'am'amungan nadan ibba' an tatagum.

Psalm 54:6

Ya munhanaa' i he"a te maphod di a'atmu. Ot mun'am'amlonga' an mangidawat hinadan i'nong'un he''a.

Psalm 62:2

Te hiya ya abuh han paddungnay nahamad an batun ihi"ugan. Ya hiyay mi'hanggah nadan binuhul'u ta adiya' ma'abak.

Psalm 73:28

Mu ha"on'e ya pohdo' an umunud i he"a te he"an na'abbaktun Dios di paddungnay ihi''uga'. Ya pinhod'un e ipa'in'innila nadan ina'inatmu.

Psalm 92:1

Mun'am'amlong ami an mangikankantah pundayawmi ya punhanaanmi i he"a Apu Dios an na'abbaktu.

Hay Nakakan 14:13

Mu alyon Moses i diday, Adi ayu tumakut ya inhamadyun inyukod i Apu Dios ta tigonyuy atonan mangihwang i dita'uh ad uwanin algo. Ta danaen i Egypt an tigonyuh ad uwani ya adiyu mo pidwon an tigon dida.

Hay Nakakan 14:14

Te hi Apu Dios di ukod an mangubat i dida. Ot hay maphod ya namaag ya dimminong ayu.

Isaiah 30:15

Ya alyon bon nan na'abbaktu ya nahamad an Dios an dayawon ta'un tinanud Israel di, Hay ihwanganyu ya nan eyu puntutuyuwan hinadan numbahulanyu. Ya hay pumbikahyu ya nan eyu pangidinongan hinadan ato'atonyu ta ha"on di pundinolanyu. Mu adiyu pohdon.

Isaiah 30:7

Te nadan i Egypt ya ma"id ha hilbin nan imbagadan iboddangdan da'yu. Ta hiya nan nginadana' hidiyen boble hi Buwaya An Ma"id Ha Abalinana.

Isaiah 7:4

Ta ibagam i hiya an adi minomnoman ya adina takutan nan duwan patul an da Resin i Pekah. Te ta'on hi nunnaud an umipatakut di bungotda mu umatda hinan bala an tuwen madop.

Jeremiah 14:22

Te undan nadan dios di udum an tatagu di mangipa'alih udan? Ya adi mabalin an namaag ya immudan te ingganah on he"ay mangipa'ali. Ot he"a Apu Dios ya abuh di pundinolanmih bumoddang i da'mi. Te he"a ya abuh di mabalin an mangat ituwe.

Lamentation 3:27

Ta ihipun ta'u hinan a'unga ta'u an mangipa'ingha an mangitpol hi punligatan.

Habakkuk 2:3

Manu'e hi itudo'mu ya adi ni' ma'at hi ad uwani mu ahi madatngan nan nagtud an ipa'annungana. Manu te mabayag mu haddonyu te ma"id ha bahhonan ma'at.

Galasya 4:18

Adi' ihhawon hi'on wadaday tatagun mangipatigoh maphod i da'yu mu ta wan nan maphod ot damdamay punnomnomda. Te hidin awada' hina ya maphod di nunhina'aggiyan ta'u ot maphodot on minaynayun an athidiy pangatyu an ta'on ona' ma''id hina.

Hebrew 10:35

Ta hiya nan mahapul an inaynayunyuh naen tulidyu ta ongal di gunggunah midat i da'yu.

Hebrew 3:14

Ot nanongnan middum ta'un Kristu hi'on inaynayun ta'uy pangulug ta'u an umat hidin hiyah kimmulug ta'u.

1 Peter 1:13

Ot mahapul an ihamad ta'uy pangun'unud ta'un Jesu Kristu ta wan halipodpodon ta'uy pangat ta'u ta ha ahan di gagamgaman ta'u ya nan mapmaphod an aton Apu Dios i dita'uh tun pumbangngadan Jesu Kristu.