Lamentation 3:19 - Nan Hapit Apu Dios

¹⁹ Te nomnomnomo"e nadan nunligata' ya nan nidawwiya' hinan numboblaya' on mahkit ahan hi e' punnomnoman.

Lamentation 3:19 Iomraidhean Croise

Nehemiah 9:32

Ot ad uwani ya innilami an he"a nan na'abbaktun Dios ya he"a nan ma'unud. Ya ongal di abalinam ya nanongnan ipatigom nan munnananong an pamhodmu. Ot daan mo bahan ta nomnomom tudan nunligligatanmi an ta'on on handidan a'ammodmi ya patulmi ya ap'apumi ya padimi ya propeta an nihipun hidin nangabakan nadan patul di i Assyria i da'mi ta ingganah ad uwani.

Job 7:7

Alyon Job i Apu Dios di, Hanat adim linglingon an hay nitaguwa' ya umat hi yahyah. Ta ma"id ha amlong'u te nagayyuh di nitaguwa'.

Psalm 132:1

Hanat adim bahan linglingon Apu Dios hi David an baalmu ya an namin nadan hinolholtapnan ligat.

Psalm 89:47

Hanat nomnomom an ho'dod han pi'taguwa'. Ya undan nganney nunlumuwam i da'min tatagu?

Psalm 89:50

Ot daan mo bahan tatawwa Apu Dios ta nomnomona' an baalmu te nunhigla tayyay pangpangallin tudan tatagun ha"on. Te datuwe nadan mumpungngohe i he"a.

Jeremiah 8:14

Ot hitun mipa'annung nadan imbagabaga' ya munhahapitda nadan i Judah an alyonday, At'ehna ya ma'ayuot mo ta ume ta'uh nadan binattuy aladnan boble ta hidiy e ta'u atayan. Te adi damdama mibahhoy atayan ta'u an ay dita'u ipa'inuman i Apu Dios hi guwade an gapuh numbahulan ta'u i hiya.

Jeremiah 9:15

Ta hiya nan ha"on an ongal di abalinanan Dios an dayawonyun tinanud Israel ya alyo' di, Nomnomnomonyu an paddungnay ipa'an'uh nadan tatagu' ha mumpa'it an makan ta nunhiglay eda pumpaligatan ya impa'inuma' dida hi guwade ta madusada.

Lamentation 3:15

Ta nunhiglay nunligata' an paddungnay impa'inumana' i Apu Dios i han ma'apa"it.

Lamentation 3:5

Ta nunhiglay hakit di nomnom'u an gapu i datuwen holholtapo'.