Joshua 5:11 - Nan Hapit Apu Dios

¹¹ Ta hidin nabiggat an nagibbuh nan punnomnomnomanda hi nihwangan nadan a'ammoddah ate hi ad Egypt ot eda mangalah nadan nun'itanom hidi ot ihanglagday udum ya inyammadah tinapay an agge nadduman hi yist di udum. Ta hidiyey hopap di nangananda hinan bungan di nitanom hi ad Kanaan.

Joshua 5:11 Iomraidhean Croise

Lebitikus 23:14

Ya adiyu anon nan hiyah nagapas an umat hinan niyamma hi tinapay onu nan nihanglag ta inggana i diyen algo an iyaliyu nan i'nongyu i ha"on an dayawonyun Dios. Ot hituwey ma'unud ta inggana an ta'on on idanay umayanyu.

Lebitikus 23:6

Ya hinan mabiggat i diye ya ngilinonyu nan punnomnomnomanyuh nan tinapay an agge nadduman hi yist. Ta hay anonyu hinan pituy algo ya nan tinapay an agge nadduman hi yist.

Bilang 15:19

ta mabalin an anonyu moy bungan di intanomyu ya mahapul an waha idawatyun ha''on.

Joshua 5:10

Ya i diyen mun'ahdom hinan mi'apulut opat (14) di algo i diyen bulan hi awadan nadan tinanud Israel hi ad Gilgal ya nginilinda nan punnomnomnomandah nihwangan handidan a'ammoddah ate hi ad Egypt.

Joshua 5:12

Ya nihipun bo i diyen algo ya ma"id mo din uggan mun'a'agah an manna ta hay nihukkat hi anonda ya nan bungan di nitanom hi ad Kanaan.