Jonah 2:6 - Nan Hapit Apu Dios

⁶ Ta alyo"ot on munnanonga' mohdih nan pu''un di billid an dallom nan baybay mu tinaguwa' i he"a Apu Dios an dayawo'.

Jonah 2:6 Iomraidhean Croise

Job 33:24

ya waot nin an alyon Apu Dios hinan anghel di, Tigom ta adi mateh naen mundogoh te waday manapung hi bahulna.

Job 33:28

Ya inihwanga' hi ate ta hiya nan nunhiglay amlong'u ituwen pi'taguwa'.

Psalm 104:6

Ya hinophopam ni' hi liting ta ta'on on hanadan billid ya nalimuhda.

Psalm 104:8

ta inipluydah nadan billid ya hinadan nundotal ta ingganah immedah nan indadaanmun iha"adanda ta nabudhan mohpe nadan billid.

Psalm 116:3

Te wada han alyo' on mateya' ta nunhiglay takut'u ya minomnomana'

Psalm 143:7

Ot agam bahan Apu Dios ta tobalom di dasal'u te tuwe mahan mo tayyan ma"id ha namnama'. Ot adiya' bahan iwalong te iwalonga"e ya ma"id ha bahhonan mateya'.

Psalm 16:10

te innila' an hi Apu Dios ya adina punnanongon di linnawa' hi awadan di linnawan nadan numpun'ate te ha"on an pinto'na ya innila' an adina iyabulut an matano' di adol'uhdi.

Psalm 18:5

Ya paddungna boy nahuluwa' ta ma''id ha bahhonan mateya'.

Psalm 30:3

Ta ta'on on aya' ni' mate ya impaphoda' i he"a. Ot onha aggeya' impaphod ot wan wahdiya' moh lubu'an.

Psalm 30:9

Te undan mateya"e ya nganney magun'udmu. Ya undan mabalin ta dayawon da'ah nadan nate onu eda ipa'pa'innila nan munnananong an pangipapto'muh tatagu.

Psalm 55:23

Mu hanada'en pumapate ya kumukuluk ya adida ma'amamma on mun'a'ateda. Mu ha"on'e ya ongal di dinol'un Apu Dios.

Psalm 65:6

Te innilami an he"ay nunlumuh nadan billid an gapuh nan ongal an abalinam

Psalm 69:2

Ta aya' tayya mun'ilunok hi ad dalom te ma"id ha pangigoppa'a'. Ot mundatong'e mahan ya ma"id ha bahhonan maltinga'.

Isaiah 38:10

an alyonay, Alyo' ot on ad uwaniy ataya' an makinduhola' ni' ta umeya' moh awadan di numpun'ate ta hidiya' hi inggana.

Isaiah 38:17

Te immannung an numbalinom nan nunholholtapa' hi pummaphoda'. Te gapuh pamhodmun ha''on ya inihwanga' hi ate ya pinakawanmun namin di numbahula'.

Isaiah 40:12

Ma"id ha tagu hi abalinana an lukudon nan liting hinan baybay hi paladna. Te undan waha taguh abalinana an lukudon nan binillog di ad lagud? Ya atbohdi an ma"id ha taguh nanginnilah damot di hupu' hitun luta onu nadan billid ya nadan nabillid.

Ezekiel 26:20

Ta paddungnay ipiye' hidiyen boble hinan boblen di numpun'ate ta ma''id mo ha uggan ma'al'alih boblen nadan i Tyre.

Ezekiel 31:14

Ta hiya nan mihipun i diye ya ma"id mo ha tumageh kayiw ta umat i diyen timmagetagen kayiw an dinatngana nan bugut an ta'on on nihaggon hi liting. Te an namin moy kayiw ya waday nagtud hi atayanda an umat hi tagu an mateda ta umedah ad dalom an awadan di numpun'ate.

Habakkuk 3:10

Ya niwagot nadan billid ta mun'ungak di liting an manayyuh ya mumbungug nadan maludulludun an dalluyun hinan baybay.

Habakkuk 3:6

Ot umohnong ot pa'alyogona tun luta. Ot imangmangnah nadan tataguh abobboble ta munggagayonggongdah takutda. Ya nada'e an billid ya nadan nabillid ya mun'atotommangda ta mun'a'agdeda. Mu nan ongal an abalinanan Dios ya munnananong.

Matthew 16:18

Ya hay ibalinan nan ngadanmun Peter ya batu. Ya hinaen inalim an a'at'u ya hiyay pangipu'unnan di tatagu an kumulug i ha"on ta mun'oh'ohhada. Ta ma''id ha mabalin hi mangabak i dida te ta'on on hay ate ya adina abalinan an ma"idon dida.

Deuteronomy 32:22

Te hay bungot'u ya umat hinan mundalang an apuy an gobhonan namin an ta'on on nan dallom di lubu' ya an namin di matigoh tun luta ta ingganah nan gopnad di billid.