John 9:10 - Nan Hapit Apu Dios

¹⁰ Ya manahmahandan alyonday, Nganney na'at ta pamaag udot ya tumigo mohpey matam?

John 9:10 Iomraidhean Croise

Ecclesiastes 11:5

Adi ta'u ma'awatan nadan at'aton Apu Dios an umat hinan dibdib an agge ta'u innilay alpuwana ya pangipluyana. Ya atbohdin agge ta'u innilay atona hi'on tanganu on namaag ya mapkol ha golang hi putun inana.

Jeremiah 36:17

Ot alyondan Baruk di, On waday nangibagan he"a hi itudo'mu datuwe?

Mark 4:27

Ta hidin inggibbuhna ot mahiw hinadan udum an atona ta pinalpaliwana ya himmango nadan inihokna. Mu aggena innila hi'on nganney inat nadan inihoknan himmango

John 3:9

Ya inalin Nikodemus di, Undan nin mabalin ta ma'at ha athina?

John 6:1

Wada han immagwatan da Jesus hinadan itudtuduwanah nan lobong an nungngadan hi Galilee an hay ohah ngadana ya Tiberias.

John 9:11

Ya alyonay, Umman han hi Jesus di timmukpah nan luta ta napalut nan pito' ot alana ot ipaklanah mata' ot ahina alyon di eya' mun'apuh nan lobong an nungngadan hi Siloam. Ot hidiyey inat'u. Ya tumigo mohpey mata'.

John 9:15

Ta onda dimmatong ot mahmahan bon nadan Paliseu an alyondan hiyay, Nganney na'at ta tumigo mohpey matam? Ya inuhuhna bon didan alyonay, Pinaklaan Jesus di mata' hi pito' ot ahi' e apuwan ya tumigoy mata'.

John 9:21

Mu aggemi innilay na'at ya ta'on on nan nangipaphod. Mu mahmahanyun hiya ot makilog an innilanan mambal.

John 9:26

Ya alyonda bo di, On nganne aay di inatnan nangipaphod hi matam?

John 9:9

Ya alyon nadan udum di, Ot ten hiyah nae. Mu alyon nadan udum di, Bokon nin mu ay hanan hiya. Ta lo'tat mo ya himmapit hidiyen nipaphod an napilok ni' ot alyonay, Ha''on hidiyen ibagbagayu.

1 Kulintu 15:35

Ma''id ha mapto' ya alinah wadada i da'yuy mummahmah an alyonda hi nganney aton nan tagun nate an mamahuwan? Ya onha mamahuwanda ot nganney a'at di adolda?