John 6:9 - Nan Hapit Apu Dios

⁹ Wahtu han ungan numbalun hi limay tinapay ya han duwan ekan. Mu undan damdama umdah hi anon datuwe tayyan dakkodakkol an tatagu.

John 6:9 Iomraidhean Croise

1 Patul 4:28

Ya iddumdan iye nadan barley ya dagamin anon nadan kabayu an manguyud hinadan kalesan di mi'gubat ya nadan udum an kabayu.

2 Patul 7:1

Ot alyon Elisa di, Donglom nan alyon Apu Dios. An hi bigat hinan athitu ya wadada moy nalakan magattang hitun ad Samaria. Ta nan limay kilun maphod an alina ya ohay pihhuy silber di bayadna ya atbohdi nan himpuluy kilun barley an ohay kalang an silber di bayadna.

Psalm 147:14

Ot ipapto' dita'u nimpe ta wan luminggop tun numboblayan ta'u. Ya paphodonay itanom ta'u an umat hinadan wit ta dakol di itanud ta'u.

Psalm 78:19

Ta adi ahan maphod di nangalidan hiya an alyonday, On abalinana nin an mamangan i dita'uh tun agge naboblayan?

Psalm 78:41

Ta agaggaon pinatnada nan ulen Apu Dios an dayawon ta'un tinanud Israel.

Psalm 81:16

Mu da'yu'en imbilang'uh tatagu' ya idattan da'yuh mun'a'aphod an makan ya dakol an danum di iyukan.

Ezekiel 27:17

Ya hanada'en i Judah ya i Israel ya hay ihukkatdah nadan igattangyu ya napinun alina an nalpuh ad Minnit ya nan danum di iyukan ya nan lanan di olibo ya nadan pumpabangluh makan.

Matthew 14:17

Ya alyondan hiyay, O mu undan umdah tun limlimman tinapay ya han duwduwwan ekan?

Matthew 16:9

an aggeyu innila nan abalina'. Undan lininglingyuot bo din namangana' hidin limay libun (5,000) linala'ih nan liman tinapay ya nadan atnay bahket an nabati.

Mark 6:38

Ya alyonay, On atna ha tinapay hi wahna? Ta eda puntigo ya alyonday, Ammuna man tee han liman tinapay ya han duwan ekan an wahtu.

Mark 8:19

din namangana' hi limay libun (5,000) linala'ih nan liman tinapay? Ya atna'e boy bahket di napnuh nadan inaggeda? Ya inaliday, Himpulut duwan bahket.

Luke 9:13

Ya alyon Jesus i diday, Da'yuy ukod an mangdat hi anonda. Ya alyonday, Undan umdah tun limlimman tinapay ya han duwduwwan ekan? Mu pohdom'e ya imme ami ta e ami gumattang hi ipa'an ta'u i datuwen tatagu.

John 11:21

Ta hidin nundadammuda ya inalin Marta i Jesus di, Apu Jesus, onha wahtu'ah din nundogohan ibba' ot wan agge nate.

John 11:32

Mu hidin dimmatong hi Mary hi awadan da Jesus ot inayunan mundu''un hi hinangngabna. Ya mungkoga an alyonay, Apu Jesus, onha wahtu'ah din nundogohan ibba' ot wan agge nin ot nate.

John 21:10

Ya alyon Jesus i diday, Iyaliyuhtu dohah nadan tinabukulyu.

John 21:13

Ot alana nan tinapay ot ipiyappongnan dida ya atbohdiy inatnah nan ekan.

John 21:9

Ta hidin dimma"aldah nan pingngitna ya nangitiganda an wahdiy ekan an nihongba i han bimmalan apuy ya wahdiy tinapay.

John 6:11

ot alan Jesus nan liman tinapay ot mundasal ta munhana i Apu Dios ot upi'upingona ot eda pun'ipiyappong hinadan tatagu. Ot alana bo nan duwan ekan ot mundasal ot eda bo pun'ipiyappong ot mangandan namin.

John 6:7

Ya alyon Philip di, Ta'on nin mahan on amungon ha bino'lah nan waluy bulan ta igattang hi makan ya adi damdamah umpong an ta'on on hin'u'uppingda te tun dinakolda.

2 Kulintu 8:9

Ot innila ta'u an gapuh homo' Apu ta'un hi Jesu Kristu i dita'u ya ta'on on kakaddangyanan ya tinaynanah diyen kinadangyana ta immalih tun luta ta gapuh nan inatna ya mabalin an mawadan dita'u nan nabalol hi itaguwan ta'u.

Deuteronomy 32:14

Ot ipa'inuman dita'u boh gatas di baka ya gulding. Ot pihdaan dita'uh nadan nipataban kalnero ya gulding ya nadan mapmaphod an tangbal an kalneron nalpuh ad Basan. Ya atbohdiy anon ta'u an maphod an wit. Ot pa'inuman dita'uh nadan mun'aphod an malpuh nadan danum di greyp.

Deuteronomy 8:8

Ya wahdiday nitanom an wit ya barley ya bungbunga"an an umat hi greyp ya fig ya pomegranet ya olibo an alpuwan di manteka ya lana. Ya wahdida boy danum di iyukan.

Nipa'innila 6:6

Ya dingngol'u han himmapit an nalpuh awadan nadan opat an ma'alih matagu an alyonay, Ad uwani ya kulang di makan ot hay bayad di ohay kilu an alina an wit ya nan mabo'lah nan ohay algo ya atbohdin hay bayad nan tuluy kilun barley ya nan mabo'lah nan ohan algo. Mu hanat adim e dadagon nadan greyp an ma'apyah bayah ya nadan olibo an ma'apyah manteka.