John 4:32 - Nan Hapit Apu Dios

³² Mu alyon Jesus di, Umman waday inan'u an aggeyu innila.

John 4:32 Iomraidhean Croise

Job 23:12

Te hanadan tuguna ya nabaloldan ha''on mu hay makan ta hiya nan inunud'un namin dadiyen tuguna.

Psalm 119:103

Te paddungnay munlumiih nadan tugunmu an inlumlumiihda mu hay danum di iyukan.

Psalm 25:14

Ya diday ibilangnah gagayyumna ya ipa'annungna nan imbaganan atonan dida.

Psalm 63:5

Ta mun'am'amlonga' an mangikankantah pundayaw'un he"a. Te paddungnay nangana' hi maphod ta na"abhuga'.

Proberbs 14:10

Nan tagun waday inomnomana ya hiya ya abuh di nanginnilah nan a'atna ya atbohdih nan waday pun'amlongana an hiya ya abuh di munli'na.

Proberbs 18:20

Nan ibungan nan hapiton an maphod onu adi maphod ya hiyay apiton.

Isaiah 53:11

Ya malpah'eh diyen punholholtapana ya umamlong mohpe hi panginnilaana an maphod di numbalinan diyen na'at i hiya. Ya alyon Apu Dios di, Hiya nan baal'u an nipto' di pangatna ya hiyay mangiyateh bahul di dakol an tatagu ta gapu i hiya ya pakawano' di bahulda.

Jeremiah 15:16

Hidin himmapitam i ha"on ya ongal di amlong'u an mangun'unud an gapu ta niyappita' i he"a an ongal di abalinanan Dios.

John 4:31

Mu hidin aggeda ni' dimmatong ya inalin nadan itudtuduwanan hiyay, Apu Jesus, agat mangan'a ni'.

John 4:33

Ta nadan itudtuduwana ya munhimbabaggadan alyonday, Nganne nin di nangiyalih inana?

John 4:34

Ot alyon Jesus di, Ha ahan di bumhug i ha''on ya nan e' pangatan hinan pohdon nan nannag i ha''on ta way aton nan ipatamunan ha"on an magibbuh.

Apostoles 20:35

Ya an namin nadan inat'u ya impatigo' an maphod di mahlutan muntamu ta waday iboddang hinadan nun'awotwot te hidiyey inalin Apu Jesus an alyonay, Ong'ongngal di amlong nan mangdat hi boddang mu nan manawawah boddang.

Nipa'innila 2:17

Ot da'yun waday ingana ya hanat igongahanyu nadan ipa'innilan nan Espiritun Apu Dios i da'yun kimmulug. Te nan tagun mangita'dog hi pangulugna hi inggana an ta'on on nganney ma'at i hiya ya hiyay idatta' hinan nipa"en ma'alih mana an ma"id ni' ha taguh nanigo. Ya idatta' bo didah nan pulaw an batu an nitud'an nan balun ngadan an ma''id ha udum hi nanginnila te ammuna nan pangdata'.