Jeremiah 51:10 - Nan Hapit Apu Dios

¹⁰ Te iballoh Apu Dios nan inat nadan i Babilon i dita'u. Ot ma'ayu ta eta'u ipa'innilah ad Jerusalem di nangat Apu Dios hi ad Babilon.

Jeremiah 51:10 Iomraidhean Croise

Psalm 118:17

Maphod ta aggeya' ni' nate ta wan ipa'innila' datuwen inat Apu Dios.

Psalm 37:6

Ta wan gapuh nan nipto' an pangatyu ya ipa'innilan Apu Dios hi atagutagu an ma"id ha bahulyu. Ta umat ayuh nan algo an pintangna'e ya patalanan namin di abobboble.

Psalm 64:9

Ta i diyen ma'at ya malmu mohpey takut di tatagu. Te masda'awda i diyen aton Apu Dios ya eda mohpe ibanagbaggah diyen inatna.

Psalm 66:16

Ot da'yun ibba' an mangun'unud i Apu Dios ya hanat donglonyu ta uhuho' nadan inat Apu Dios i ha"on.

Psalm 9:14

Ta wan e' ipa'in'innila an he"a nan madayaw an Dios hidih nan way geyt hi ad Zion. Ta ipatigo' hinadan tatagu an nunhiglay amlong'u hi nangihwangam i ha''on.

Isaiah 24:14

Mu wadaday tataguh nangappit hi alimuhan di algo an ahida pun'itkuk di pundayawdah anabaktun Apu Dios an gapuh amlongda.

Isaiah 40:2

Ta iphodyu an ibagah nadan wah ad Jerusalem an nalpah mo aya nan pumpaligatanda. Te nalpah moy dusada an gapuh bahulda.

Isaiah 51:11

Ot daan mo ta atom boh ad uwani ta way aton nadan inihwangmu an tatagum an umanamut. Ta mungkantadah amlongdan manganamut hi ad Zion. Ta nan ipala"uhda an eda umukayungan ya inomnoman ya mahukkatan hi nunhiglan amlong ya dinol.

Jeremiah 50:28

Ta nada'en bumtik an malpuh ad Babilon an umeh ad Jerusalem ya uhuhondah diyen ma'at an alyonday nunnaud di nangiballoh nan Dios an dayawon ta'u an tinanud Israel hinan inat nadan i Babilon hinan Templona.

Jeremiah 50:45

Ot donglonyun i Babilon nan ninomnom'un Dios an aton i da'yu. Te ta'on hi u"unga on pungguyud di binuhulyu dida ta iyeda didah udum hi boble. Ya pa'adadaggo' di bobleyu.