Jeremiah 15:18 - Nan Hapit Apu Dios

¹⁸ Mu tanganu on minaynayun di punholholtapa' an nipaddung i ha hugat an ad'addi mapoyanan. Undan adiya' boddangan i he"a ta umat'ah nan wa"el onu obob an matdu' hinan tiyalgo?

Jeremiah 15:18 Iomraidhean Croise

Job 14:11

An umat hinan liting hinan wa"el onu hinan lobong an matdu' hinan ma"ugoh.

Job 34:6

Ta ta'on anuh on maphod nadan ina'inatna ya paddungnay ma'layyah. Ya ta'on anuh on ma"id ha bahulna ya indattana i han nunhiglan ligatona an adi ma'agahan.

Psalm 6:3

Ya nunhigla tayyan maligatana'. Ot hanat adi bahan madne ya ipaphoda'.

Jeremiah 14:19

Ot ha"on an hi Jeremiah ya nadan ibba' ya alyonmi i Apu Dios di, Undan ingnganuy da'mi mo ahan tatawwa an i Judah? Ya undan nanongnay bungotmuh nadan ibbami an i Jerusalem? Te ngalngalam ahan tatawwa an paddungnay inhalommuy nanugatmu i da'mi ta adi ami mabalin an ma'agahan. Te hihinnodmiy emi luminggopan mu onnot on ma"id. Ya hay emi pumhodan mu onnot on nunhigla an atatakut han dimmatong.

Jeremiah 14:3

Ya nada'en ap'apudan munhilbih nan patulda ya hinnagday baaldan e humagub mu namaganan an namin nadan bubun. Ta mumbangngaddan nanongnan nabaoy ihagubda. Ta hiya nan hophopanda bo ayay uluda an gapuh bainda ya inomnomanda.

Jeremiah 20:18

Ot tanganu nin tuwali ona' niyayyam? On wanin an alyonaon ta tigo' di nunnaud an punligatan ya ta wan li'nao' nan nunhiglan pama'bainda i ha"on hi ingganah ataya'.

Jeremiah 20:7

Ot munliliya' bo i Apu Dios an alyo' di, Apu Dios, inhapitana' i he"a ta numbalina' hi propeta. Ya gapu ta ongal di abalinam mu ha"on ot abuluto'. Ta teen ad uwani ya nunnaud di ngohen di tatagun ha"on an pun'ipadngolana'.

Jeremiah 30:12

Mu alyon bon Apu Dios hinadan tatagunay, Hanan paddungnay himmalom an hugatyu ya adi ma'agahan.

Jeremiah 30:15

Ot adi ayu munlili an gapuh nan punholholtapanyu te bahulyu.

Mikah 1:14

Ot da'yu an ibbami an i Judah ya unhaot waha idatyu i da'mi an i Moreset hinan e ta'u punhihi"anan hi a'abakan ta'u te ma"id ha namnamaon nadan patul ta'un tinanud Israel hi boddang nadan i Aksib te ma'layyahda.

Mikah 1:9

Te paddungnay ni'ihhalom di hugat di ad Samaria an adi ma'agahan. Ya teen ta'on on hi ad Judah ya paddungnay dimmatong moh nan way geyt hi ad Jerusalem di punligatanda.