Jeremiah 15:16 - Nan Hapit Apu Dios

¹⁶ Hidin himmapitam i ha"on ya ongal di amlong'u an mangun'unud an gapu ta niyappita' i he"a an ongal di abalinanan Dios.

Jeremiah 15:16 Iomraidhean Croise

Nehemiah 8:12

Ta athidiy inat nadan tatagun mun'am'amlongdan mumpanganamut ot eda mumpumpalti ot pun'ukatda nadan ma'inum ot i'ayagdah nadan hinaggonda. Ta nunhiglay amlongda te na'awatanda nadan tugun an nipa'innilan dida.

Job 23:12

Te hanadan tuguna ya nabaloldan ha''on mu hay makan ta hiya nan inunud'un namin dadiyen tuguna.

Psalm 119:111

Te ibilang'u nadan tugunmu hi nabalol an odon'uh inggana te datuwey mangipa'amlong i ha"on.

Psalm 119:16

Ot ongal di amlong'u an mangunud hinadan tugunmu. Ta hiya nan adi' linglingon dadiyen tugunmu.

Psalm 119:72

Te nabalbalol nadan tugunmu mu nadan dakol an balitu' onu silber.

Psalm 119:97

Nunhiglay naminhod'uh nadan tugunmu ta hiya nan ada'adalo' hi abigabigat.

Psalm 19:10

Ta na'ballolda mu hay balitu'. Ya onha ipaddung hi makan ot inlumlumiihda mu hay danum di iyukan.

Jeremiah 14:9

Te undan aggem innilah tuwen na'at i da'mi? Ya undan ma"id ha abalinam an mangihwang i da'mi an ta'on on'a wahtuh tun boblemi? Da'mi nan nibilang hi tatagum ot hanat adi da'mi bahan inganuy.

Ezekiel 2:8

Ot hanat donglom tun ibaga' an adim iyunnudan i dida te mungngoheda nimpe. Ot aga ta ta'angom ta anom tun idat'un he"a.

Mikah 2:7

Te undan hi kittang on bimmungot hi Apu Dios i dita'un tinanud Jacob? Ya hay alyona ya maphod di atonah nadan nipto' di pangatda.