Jeremiah 10:14 - Nan Hapit Apu Dios

¹⁴ Ta datuwey mangipatigon hay tagu ya ma"id tuwali ha innilana. Ot nadan mun'apyah nabalitu'an an bulul ya mibabainda. Te dadiyen iyanammada ya ma"id ha yahyahda ya abalinanda.

Jeremiah 10:14 Iomraidhean Croise

Psalm 14:2

Hi Apu Dios an wah ad abunyan ya uh'uhdungan dita'un tatagu ta tigona hi'on wa ni'mo ha oha hi nanomnoman ta waday naminhodna an manginnila i hiya an Dios.

Psalm 92:6

Ot hanan tagun paddungnay ma''id ha nomnomna ya adina ma'awatan

Psalm 94:8

Da'yun paddungnay ma"id ha nomnomnan tatagu ya undan anuud ya ahi ayu manomnoman?

Psalm 97:7

An namin nadan mundayaw hinadan iniphod di tagu an umat hi bulul ya mibabainda. Ta an namin nadan dios an punhilbiyanda ya mundu"undan Apu Dios.

Proberbs 30:2

Ha"on ya ma"id ha in'innila' ya ma"id ha ma'awata' an aya' tayya bokon tagu.

Isaiah 42:17

Mu nada'en mundayaw ya mangidinol hinadan umat hi bulul ya nunhiglay ibabainanda.

Isaiah 44:11

Ot nomnomnomonyun an namin nadan mundayaw i dadiyen bulul an inyamman di tagu ya mibabainda nimpe. Ot hanat ma'amungda ta dusao' dida ta nunhiglay ahida tumakutan ya ibabainan.

Isaiah 45:16

Ot an namin nadan tatagu an mangiyanammah bulul ta dayawonda ya mipada"ulda ta mibabainda.

Isaiah 57:12

Aga ta ipa'innila' nadan ina'inatyu an alyonyuy maphod nan eyu pundayawan hinadan dios di udum an tatagu mu onnot on adida abalinan an mangihwang i da'yu.

Jeremiah 10:5

Hidiyen bulul ya ay kidlo hinan payo an adi humapit. Ya gahin di pahonon te adi dumallan. Ot adiyu takutan onu dayawon dida te ma"id ha abalinandan bumoddang ya ma"id ha abalinandan mangat hi adi maphod i da'yu.

Jeremiah 10:8

Mu nadan natudduwan an mundayaw hi bulul an dios ya paddungnay ma"id ha nomnomda te ma"id ha hilbin dadiyen bulul.

Roma 1:25

Athidiy a'atda te inwalongda nan nahamad an Dios ta nadan limmunay dinayawda yaden unhaot hiya an nunlumuy madayaw hi ingga'inggana.

1 Samuel 5:4

Mu hidi bon nabiggat ya inoy an nuntallu'bub boh Dagon hinan dotal hi hinangngab nan Kahun an ammunay adolna te na'aan di uluna ya ta'lena ot magahdah nan dotal hi way panton diyen balen Dagon.