Deuteronomy 32:12 - Nan Hapit Apu Dios

¹² Ya hay nangipangpangulun dita'u ya hi Apu Dios an ma"id ha udum hinadan dios di udum an tatagu hi bimmoddang.

Deuteronomy 32:12 Iomraidhean Croise

Nehemiah 9:12

Ot ipangulum dida ta han mangmangngen bugut di tintinnuddah nan mapatal. Ya han mangmangngen ay tu"ud an apuy di tintinnuddah nan hilong.

Job 15:19

an dida din nangdatan Apu Dios hinan numboblayanda hidin ma"id ni' ha udum hi numboblehdi.

Psalm 136:16

Ot ipanguluna nadan tatagunah nan agge naboblayan te munnananong nimpey pamhodna.

Psalm 27:11

Ot hanat itudduwana' bahan Apu Dios hi nipto' hi ato' te dakkodakkolda tayya hantudan binuhul'u.

Psalm 78:14

Ya hidin dimmanallanananda ya wada han bugut an nangipangpangulun dida ya wa'et nahdom ya mumbalin hidiyeh apuy ta patalana nan awonda.

Psalm 80:1

He"a Apu Dios di mi'alig hi mumpastol i da'min holag Joseph an tinanud Israel an alyom hi wa'ahnan inumbun hinan tronom hinan numbattanan nadan Kerubim ya daan mo ta ipatigom nan ongal an abalinam

Psalm 81:9

Ta adi ayu mundayaw hinadan dios an dayawon di tataguh udum hi boble.

Isaiah 46:4

ta inggana hi ma'amamma ayu an ma'ubanan ayu ya ha"on di mangipapto' i da'yu. Te ha''on di nunlumu i da'yu ta hiya nan ha"on boy mangihwang i da'yu.

Isaiah 63:14

Ot ipangulun nan Espiritun Apu Dios dida hinan nundotal an maphod an boble ta hidiy pun'iblayanda. Athidiy inat Apu Dios an nangipanguluh nadan tataguna ta hiya nan hiyay madayaw.

Hosea 11:4

Ta inula'ulayan da'yu te ongal di naminhod'u nimpen da'yu. Ta paddungnay inaan'u nan panakul hi bagangyu ot mundu"una' ta panganon da'yu.

Deuteronomy 1:31

Ya inamtan ta'uy nangipapto'nan dita'uh nan agge naboblayan. Te nan pangat nan amah nan imbabalena ya hiyay ina'inatnan dita'u. Ot teen ad uwani ya indatong dita'un hiyahtu.

Deuteronomy 32:39

Ot alyon bon Apu Dios di, Ibaga' i da'yu an ha"on ya abuh di Dios an ma"id ha udum. Ya ha"on di waday abalinanan mamateh tagu ya ha"on boy alpuwan di itaguwan. Ya abalina' bon humugat ya mangipaphod hi hugat. Ya ma"id ha mabalin hi manangga i ha"on hinan ato'.

Deuteronomy 4:35

Impatigon Apu Dios danaen dita'u ta wan innilaon ta'un hiya ya abuh di nahamad an Dios an ma"id ha udum.

Deuteronomy 4:39

Ot hanat nomnomnomonyuh Apu Dios ta adiyu linglingon an hiya ya abuh di madayaw hi ad abunyan ya hitun luta an ma"id ha udum.

Joshua 24:17

Te hiya eh'a di nangikak i dita'u ya nadan a'ammod ta'uh ad Egypt hi ahimbut ta'uhdi. Ya undan agge ta'u tinannigo nadan nakaskasda'aw an ina'inatna. Ya hiya peman di nangih'ihwang i dita'u hinadan tataguh abobboble hinan dinaladalan ta'u.