Daniel 5:27 - Nan Hapit Apu Dios

²⁷ Ya nan tekel ya dinamot te hay ipa"elana ya kulang di pangatmun mun'ap'apu.

Daniel 5:27 Iomraidhean Croise

Job 31:6

Ot hi Apu Dios di ukod an mangiyuhuh hi'on numbahula' onu aggeya'.

Psalm 62:9

An namin ta'un tatagu an nawotwot onu kadangyan ya nada''ul ta'uh panigona. Te onha ikilu dita'u ot ma"id ha damot ta'u an umat ta'uh dibdib.

Proberbs 16:2

Hay punnomnom di ohan tagu ya nipto' an namin nan at'atona. Mu hi Apu Dios ya innilana nan wah nomnomna.

Proberbs 21:2

Hay punnomnom di ohan tagu ya nipto' an namin nan at'atona. Mu hi Apu Dios ya innilana hi'on immannung an nipto' nan wah nomnomna.

Jeremiah 6:30

Ta hiya nan iwalong'u mo bo dida ta umatdah nan mitopal an silber an ma"id ha hilbina.

Ezekiel 5:1

Alyon bon Apu Dios di, He"a Ezekiel ya agam ta alam ha matadom an ispada ta putulam di ibu'mu ya balbasmu. Ya inalam ha kiluwan ta puntuluwom nadan ibu'mu an pumpapaddungom di kiluda.

Nahum 1:14

Ya inalin Apu Dios hinadan i Ninibeh di, Adi ayu munholag ta ma"id ha mamunat hi ngadanyu. Ya dadago' nadan bululyu hinadan pundayawanyu. Ya indadaan'u mo tuwaliy ilubu'anyu te mun'a'ate ayu te adi ahan maphod di pangatyu.

1 Kulintu 3:13

Te hitun punhumalyaan Kristu ya mipa'innilan namin nadan a'at di tinamuwanda. Te hay atonan munhumalya ya umat hi aton nan apuy an gobhonan namin ta mabati nan umat hi balitu' ya silber ya nadan nun'anginan batu.